كاسىپورىنعا كومىر «شۇباركول كومىر» اق-تان تاسىلىپ جاتىر. كومىر تيەگەن كولىكتەر كۇنىنە بىرنەشە رەت جولعا شىعادى. ءار زەينەتكەرگە 2,5 توننا كومىر ءتۇسىرىپ بەرەدى. ال زەينەتكەرلەردەن باسقا, وبلىس ورتالىعىندا پەشپەن جىلىتىلاتىن جەر ۇيلەردە تۇراتىن كاسىپورىننىڭ جۇزدەن اسا جۇمىسشى-قىزمەتكەرلەرى كومىردى وزىندىك قۇنىمەن ساتىپ الادى.
– بىزگە كومىردى وسىلاي ساتىپ العان ءتيىمدى, – دەيدى كاسىپورىن جۇمىسشىسى بەيسەمباي اقجولوۆ. – 5 توننا كومىر جەتكىلىكتى. شۇباركولدىڭ كومىرىنىڭ ك ۇلى از جانە قىزۋدى ۇزاق ساقتايتىنى دا بەلگىلى. مەن تۇراتىن كوشەدە 14 ءۇي بار, ولاردىڭ ءبارى كومىر باعاسىنىڭ تومەندەۋىن كۇتىپ وتىر. ال ءبىز كومىر جەتكىزىپ بەرگەنى ءۇشىن زاۋىتىمىزعا راحمەت ايتامىز.
كاسىپورىننىڭ الەۋمەتتىك ماسەلەلەر جونىندەگى ۆيتسە-پرەزيدەنتى بەگزيا ىسقاقوۆانىڭ ايتۋىنشا, زاۋىت باسشىلىعى ءوز جۇمىسشىلارىنا, زەينەتكەرلەرىنە كومەك كورسەتۋدە. قىس كەزىندە كومىرمەن قامتاماسىز ەتۋ ءبىر رەتتىك قانا شارا ەمەس, بۇل شارا – كاسىپورىننىڭ ۇجىمدىق شارتىمەن بەكىتىلگەن كەپىلدىك.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن
ۆيكتوريا ماشكارينا
