بۇعان جارلىققا قول قويىلعان كۇننەن باستاپ اۋديتوريالاردا وتكەن باسقوسۋلارداعى جۇرەكجاردى وي-پىكىرلەر مەن تەبىرەنىستى لەبىزدەر ايقىن دالەل.ءبىلىم ورداسىنىڭ ستۋدەنتتەرىنە لاتىن الىپبيىنە كوشۋ قيىندىق تۋدىرمايدى. ولاي دەيتىنىمىز, ءبىزدىڭ ستۋدەنتتەرىمىزگە بارلىق ماماندىقتار بويىنشا دايىندىق توپتارى مەن ءبىرىنشى كۋرستان باستاپ-اق اعىلشىن ءتىلى مەن تۇرىك ءتىلى تەرەڭدەتىلىپ وقىتىلادى.
جارلىقتا ناقتى كورسەتىلگەندەي, لاتىن گرافيكاسىنا نەگىزدەلگەن قازاق ءتىلى ءالىپبيىنىڭ بەكىتىلۋى, قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا قۇرۋ, قازاق ءتىلى ءالىپبيىنىڭ 2025 جىلعا دەيىن لاتىن گرافيكاسىنا كەزەڭ-كەزەڭمەن كوشۋىن قامتاماسىز ەتۋ, وسى جارلىقتى ىسكە اسىرۋ جونىندە وزگە دە, سونىڭ ىشىندە ۇيىمداستىرۋشىلىق جانە زاڭنامالىق سيپاتتاعى, شارالار قابىلداۋ ماقساتىنداعى قاۋلى بارشامىزدى جىگەرلەندىرىپ, قۋانىشقا بولەۋدە.
ءبىز بارشا تۇركى دۇنيەسى الەم ەلدەرىنىڭ باسىم كوپشىلىگى قولدانىپ وتىرعان جازۋعا كوشسە, بىرىنشىدەن, ءوزارا اقپارات الماسۋدىڭ جەڭىلدەيتىنىنە, ەكىنشىدەن, جاھاندىق وركەنيەتكە داڭعىل جول سالىناتىنىنا كامىل سەنەمىز.
ەلباسىنىڭ باعدارلامالىق ماقالاسىندا العا قويىلىپ وتىرعان ۇلتىمىزدىڭ رۋحاني جاڭعىرۋىنا باعىتتالعان تاياۋ جىلدارداعى مىندەتتەر ءبىرتۇتاس ۇلت بولۋعا, مادەني جانە سانا اشىقتىعىنا ۇمتىلۋعا, قانىمىزعا سىڭگەن, تامىرىمىزدا بۇلكىلدەگەن ىزگى قاسيەتتەردى قايتا تۇلەتۋگە باستايدى. حالقىمىز كيريلليتسا اتالعان ءالىپبيدىڭ ىقپالىنان, انىعىراق ايتقاندا, ونىڭ تولىققاندى يەسى سانالاتىن جۇرتتىڭ ساياسي-اقپاراتتىق ىقپالىنان ارىلاتىن كەزەڭگە دە جەتتى. ەندى, مىنە, ەلىمىزدىڭ رۋحاني ومىرىندەگى ەلەۋلى كەزەڭگە دە قادام باسقالى تۇرمىز.
ءۋاليحان ابدىبەكوۆ,
قوجا احمەت ياساۋي اتىنداعى
حالىقارالىق قازاق-تۇرىك ۋنيۆەرسيتەتىنىڭ
پرەزيدەنتى, پروفەسسور
