«ەكسپو-2017 كورمەسىن جوعارى مارتەبەلى حانزادا گلوستەر گەرتسوگى, لوندون قالاسىنىڭ لورد-مەرى جانە ەكى مينيستر دە تاماشالادى. بۇل ءوز كەزەگىندە ۇلىبريتانيا ۇكىمەتىنىڭ ەكسپو كورمەسىنە قاتىسۋىمىزدى ماقۇلداپ, قولداۋ كورسەتكەنىنىڭ بەلگىسى. حكب پاۆيلونىمىزدى كورمەنىڭ ەڭ ۇزدىك پاۆيلوندارىنىڭ ءبىرى دەپ تانىعانى - ءبىز ءۇشىن ۇلكەن قۇرمەت. قازاقستان ۇكىمەتى ءۇشىن ەكسپو-2017 ۇلكەن جەتىستىككە اينالدى», - دەپ اتاپ ءوتتى چارلز حەندري حاتتا.
حاتتا كورمە تاقىرىبى تولىق اشىلعاندىعى اتاپ ءوتىلدى. بۇگىنگى كۇنى اۋقىمدى ءىس-شارا ءساتتى اياقتالعاننان كەيىن, چارلز حەندري احمەتجان ەسىموۆتى كورمەنى تابىستى جانە ناتيجەلى وتكىزۋمەن قۇتتىقتادى.
سونداي-اق, قازاقستان رەسپۋبليكاسىنىڭ چەحيا رەسپۋبليكاسىنداعى جانە سلوۆاكيا رەسپۋبليكاسىنداعى توتەنشە جانە وكىلەتتى ەلشىسى سەرجان ابدىكارىموۆ احمەتجان ەسىموۆكە كورمە اياسىندا ىسكەرلىك كەزدەسۋلەر, كونفەرەنتسيالار مەن دوڭگەلەك ۇستەلدەر وتكىزۋدە قولداۋ كورسەتكەنى ءۇشىن العىس حات جولدادى.
«بۇل ءىس-شارالار ەلىمىزدىڭ الداعى ۋاقىتتا سلوۆاكيا رەسپۋبليكاسى جانە چەحيا رەسپۋبليكاسى تاراپىمەن ساياسي, ساۋدا-ەكونوميكالىق جانە ينۆەستيتسيالىق سالالاردا ىنتىماقتاستىعىمىزدىڭ دامۋىنا ەلەۋلى سەرپىن بەردى», - دەپ جازىلعان حاتتا.
