سۋرەتتى تۇسىرگەن: گۇلناز ماقسۇتقىزى
ماقساتى – ءتۇرلى كونفەسسيالاردىڭ ءدىني بىرلەستىكتەرى اراسىندا مادەني-رۋحاني بايلانىستاردى كەڭەيتۋ, ءدىني بىرلەستىكتەر مۇشەلەرىن ءوڭىردىڭ قوعامدىق-مادەني ومىرىنە بەلسەندى تارتۋ, قازاقستاندىق قوعامدا تولەرانتتىلىق پرينتسيپتەرىن نىعايتۋ.
وبلىس ءدىن ىستەرى باسقارماسىنىڭ باسشىسى داۋلەت زاكاريانوۆ فەستيۆالعا قاتىسۋشىلاردى قۇتتىقتادى. فەستيۆالدى ءماشھۇر ءجۇسىپ ورتالىق مەشىتىنىڭ وكىلى قۋانىش شارمان قاسىم امانجولدىڭ ء«وزىم تۋرالى» انىمەن باستادى. وبلىس ورتالىعىنداعى «بلاگوۆەششەنسك كافەدرالدى سوبورىنىڭ» شاكىرتتەرى ساحنالىق كورىنىس كورسەتتى. ءانشى ەۆگەنيا لىسوۆا ساكسوفوندا «تى مويا نادەجدا» اتتى شىعارمانى ورىندادى. ال نيكولاي كوسەنكوۆ «ون تەبيا جديوت» ءانىن شىرقادى. ەرتىس اۋدانى «ەرجان» مەشىتىنىڭ وكىلى سەرعالي رىسجانوۆ تەرمە ورىنداپ بەردى. اقسۋ قالاسى ۆوسكرەسەنسك حرامى پريحودىنىڭ وكىلدەرى «قازاقستان» جانە «موە رودنوە پريرتىشە» ولەڭدەرىن وقىسا, «نادەجدا» شىركەۋىنىڭ قاتىسۋشىسى ەلەنا كان كارىس ءانىن ورىندادى.
جالپى, شارا بارىسىندا ءتۇرلى كونفەسسيالاردىڭ اۋدان ورتالىقتارىنان, اۋىلداردان كەلگەن 16 شىعارماشىلىق ۇجىمى ونەر كورسەتتى. فەستيۆالدىڭ كونتسەرتتىك باعدارلاماسى مازمۇندى جانە قىزىقتى, كونفەسسيالاردىڭ وكىلدەرى كەلىسىمدى, دوستىقتى, تولەرانتتىلىقتى ولەڭ وقۋ, اندەر مەن بيلەر ورىنداۋ ارقىلى ءبىلدىردى. ۇيىمداستىرۋشىلار فەستيۆال بارىسىندا قاتىسۋشىلاردىڭ باسقا مادەنيەتتىڭ ءتىلىن ءتۇسىنۋى, ۇلكەن قۇرمەتپەن قاراۋى رۋحاني كەلىسىم مەن بىرلىك ءۇشىن ماڭىزدى دەيدى. فەستيۆال سوڭىندا قاتىسۋشىلارعا العىس حاتتار مەن ەستەلىك سىيلىقتار تابىس ەتىلدى.
فاريدا بىقاي,
«ەگەمەن قازاقستان»
