مۇرات ەرگەشباەۆ 1966 جىلى تۋعان. الماتى حالىق شارۋاشىلىعى ينستيتۋتىن «اۋىل شارۋاشىلىعىن جوسپارلاۋ» جانە قازاقستان رەسپۋبليكاسى پرەزيدەنتىنىڭ جانىنداعى ۇلتتىق جوعارعى مەملەكەتتىك باسقارۋ مەكتەبىن «مەملەكەتتىك باسقارۋ» ماماندىقتارى بويىنشا بىتىرگەن.
ەڭبەك جولىن 1989 جىلى قىزىلوردا وبلىسى جامبىل كەڭشارىنىڭ ەكونوميسى رەتىندە باستاعان.
1990-2008 جىلدارى سىرداريا اۋداندىق ونەركاسىپ بىرلەستىگىنىڭ ءبولىم باستىعى, «الەمبانك - قازاقستان» اكتسيونەرلىك قوعامى باسقارما باستىعىنىڭ ورىنباسارى, قىزىلوردا وبلىسى اكىمى ورىنباسارىنىڭ كەڭەسشىسى, «قازاقستان حالىق بانكى» اكتسيونەرلىك قوعامى قىزىلوردا فيليالىنىڭ ديرەكتورى, قىزىلوردا وبلىستىق ەڭبەك, حالىقتى جۇمىسپەن قامتۋ جانە الەۋمەتتىك قورعاۋ باسقارماسى باستىعىنىڭ ورىنباسارى, قىزىلوردا قالالىق قارجى ءبولىمىنىڭ باستىعى, قازاقستان رەسپۋبليكاسى توتەنشە جاعدايلار مينيسترلىگىنىڭ ء«ورت ءسوندىرۋشى» اكتسيونەرلىك قوعامىنىڭ ۆيتسە-پرەزيدەنتى.
2008-2017 جىلدارى قىزىلوردا قالاسىنىڭ اكىمى, قىزىلوردا وبلىسى قارجى باسقارماسىنىڭ باستىعى, قارماقشى جانە شيەلى اۋداندارىنىڭ اكىمى, قازاقستان رەسپۋبليكاسى ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى قالاسى بويىنشا تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى, «قازاگروونىم» اكتسيونەرلىك قوعامىنىڭ باسقارۋشى ديرەكتورى - اپپارات باسشىسى قىزمەتتەرىن اتقارعان. بيىلعى جىلدىڭ ماۋسىم ايىنان باستاپ قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قىزمەتىن اتقارىپ كەلدى.
