قر ءسىم حابارلاۋىنشا, بارلىق تاراپتار قاتىسۋىن راستادى. الداعى كەزدەسۋگە سيريا ۇكىمەتىنىڭ جانە سيريالىق وپپوزيتسيانىڭ, سونداي-اق بايقاۋشى رەتىندە بۇۇ, اقش جانە يوردانيانىڭ وكىلدەرى قاتىسادى.
«بۇل كەزدەسۋ سيرياداعى قارۋلى قاقتىعىستى توقتاتۋ جونىندە قول جەتكىزگەن جەتىستىكتەردى ساقتاۋدا ۇلكەن ءرول اتقارادى. سونداي-اق داعدارىستى ساياسي رەتتەۋگە ءوتۋ كەزەڭىندە ەلدەگى جاعدايدى ءارى قاراي تۇراقتاندىرۋعا باعىتتالعان», دەپ حابارلايدى مينيسترلىك.
ء«ىس-شارانىڭ باستالۋىنان ءبىر كۇن بۇرىن كەپىلگەر-ەلدەردىڭ وكىلدەرى ساراپشىلار دەڭگەيىندە ەكىجاقتى جانە ۇشجاقتى كونسۋلتاتسيالار وتكىزۋگە نيەتتى. جالپى وتىرىس بارلىق تاراپتىڭ قاتىسۋىمەن 31 قازاندا وتەدى», دەلىنگەن حابارلامادا.
وسىدان بىرنەشە كۇن بۇرىن سيريا پرەزيدەنتى باشار اساد «ۇلتتىق كەلىسىم مەن سيرياداعى ديالوگقا ارنالعان» ساياسي باعىتتى داماسك قولدايتىنىن جەتكىزدى.
سيريالىق قارۋلى وپپوزيتسيانى سيريالىق ەركىن ارميا باس شتابىنىڭ باسشىسى احماد بەرري باسقارادى. دەلەگاتسيا وكىلى فاتەح حاسسۋننىڭ ايتۋىنشا, الداعى كەزدەسۋدىڭ باستى تاقىرىبى تۇتقىنداعىلاردى بوساتۋ ماسەلەسى بولادى دەپ ۇمىتتەنەدى.
استاناداعى كەزدەسۋلەر قاڭتار ايىنان بەرى وتكىزىلىپ كەلەدى. 14-16 قىركۇيەك ارالىعىندا وتكەن التىنشى راۋندتىڭ ناتيجەسى بويىنشا, سيريادا ءتورت دەەسكالاتسيا ايماعى قۇرىلاتىن بولدى.
