ايماقتار • 25 قازان، 2017

حالىقارالىق مەديتسينالىق قور وڭتۇستىكتەگى الەۋمەتتىك مەكەمەلەرگە قولعابىس كورسەتپەك

165 رەت كورسەتىلدى

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ «Severance – KZ» حالىقارالىق مەديتسينالىق قور پرەزيدەنتىمەن كەزدەستى.


كەزدەسۋ بارىسىندا تاراپتار ەكى ەل اراسىنداعى ساۋدا-ەكونوميكالىق قارىم-قاتىناستى دامىتۋ جونىندە پىكىر الماستى. سونداي-اق، دەنساۋلىق ساقتاۋ، ءبىلىم، يننوۆاتسيا سالالارىن بىرىگىپ دامىتۋ ماقساتىندا بايلانىستى نىعايتۋعا ۋاعدالاستى.

ءوز كەزەگىندە ءسوز العان قور جەتەكشىسى ان لاريسا قازاقستان جانە وڭتۇستىك كورەيا رەسپۋبليكالارى اراسىنداعى ارىپتەستىك قارىم-قاتىناستىڭ جاقسى دەڭگەيدە ەكەندىگىن اتاپ ءوتىپ، وڭتۇستىك قازاقستان وبلىسىنان حالىقارالىق قوردىڭ وكىلدىگىن اشۋعا نيەتتى ەكەندىگىن جەتكىزدى.

«وڭتۇستىك قازاقستان وبلىسىنىڭ 3 ميلليونعا جۋىق تۇرعىنى بار. جامبىل، قىزىلوردا سىندى كورشى وبلىستار دا بىزگە جاقىن ورنالاسقان. سوندىقتان بۇگىنگى ۇسىنىس-پىكىرلەرىڭىز ەسكەرۋسىز قالمايدى. اسىرەسە مەديتسينالىق ءتۋريزمدى دامىتۋ جونىندەگى ۇسىنىستارىڭىزدى قولداۋعا ءازىرمىز. بۇل رەتتە وڭتۇستىك كورەيانىڭ ۇزدىك زاماناۋي تەحنولوگيالارىن بىرلەسە مەڭگەرۋ وتە ماڭىزدى»، - دەدى جانسەيىت قانسەيىت ۇلى.

كەزدەسۋ بارىسىندا وبلىستىق دەنساۋلىق ساقتاۋ باسقارماسى مەن «Severance – KZ» حالىقارالىق مەديتسينالىق قورى اراسىندا ىنتىماقتاستىق جونىندەگى مەموراندۋمعا قول قويىلدى. اتالعان كەلىسىم نەگىزىندە قور ازاماتتارىمىزعا مەديتسينالىق كومەك كورسەتىپ، الەۋمەتتىك مەكەمەلەرگە قولعابىس جاسايتىن بولادى. سونىمەن قاتار، وتا جاساۋدا، كادر دايارلاۋ، دونور تابۋ ماسەلەلەرىندە وڭىرلىك مەكەمەلەرمەن بىرلەسە جۇمىس اتقارماق.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار