تەحنيكالىق رەتتەۋ جانە مەترولوگيا كوميتەتىنىڭ استانا قالاسى بويىنشا دەپارتامەنتى استانا قالاسىنىڭ «اسەم» ءسۇ, «كوممۋنالدىق بازار» جشس «شاپاعات» ءسۇ, «اجار» ءسۇ «الەم» ءسۇ جانە «استانالىق» ءسۇ (ارتەم) سياقتى ءىرى ساۋدا ورتالىقتارىنمەن بىرلەسىپ قاپتامادا كورسەتىلگەن تاۋاردىڭ تازا سالماعىن تەكسەرۋ ماقساتىندا «مرك 6200» مەترولوگيالىق جۇمىس كومپلەكتىسىندە دايىن ونىمدەردى باقىلاۋ تارازىسىندا ولشەۋ تۇرىندەگى ولشەم بىرلىگىن قامتاماسىز ەتۋ تۋرالى قر زاڭناماسىنىڭ ساقتالۋىنا پروفيلاكتيكالىق جۇمىس جۇرگىزدى.
ءىس-شارانىڭ نەگىزگى ماقساتى «ولشەم بىرلىگىن قامتاماسىز ەتۋ تۋرالى» قازاقستان رەسپۋبليكاسى زاڭىنىڭ تالاپتارىن ءتۇسىندىرۋ جانە «تۇتىنۋشىلار ءۇشىن جادىناما» تاراتۋ ارقىلى حالىققا پروفيلاكتيكالىق كومەك كورسەتۋ بولدى. ياعني, نارىقتا سالماعى قاپتاماداعى كورسەتكىشكە سايكەس ەمەس ونىمدەر بار ەكەندىگى تۋرالى تۇتىنۋشىلاردى قۇلاعدار ەتۋ بولىپ سانالادى.
تۇتىنۋشىلار مەن ساتۋشىلارعا جەكەلەي شىعارىلعان نەمەسە «ولشەپ سالىنعان» ونىمدەردىڭ تازا سالماعى, ولاردىڭ نەگىزگى كولەمى ساقتاۋ كەزىندە كىشىرەيەتىندىگى تۋرالى اقپارات كورسەتپەۋگە جول بەرىلەتىندىگى ءتۇسىندىرىلدى.
ءوزىمىز بىلەتىندەي بازار – ول سۇرانىس پەن ۇسىنىس تەڭ دارەجەدە قاناعاتتاندىرىلۋى ءتيىس زاڭنامالىق جۇيە. تۇتىنۋشىلاردى الداۋ تاۋار اينالىمى مەن حالىققا قىزمەت كورسەتۋ سالاسىنىڭ نارىقتىق قاتىناسىن بۇزادى.
بۇل زاڭ, مەترولوگيالىق قىزمەت سالاسىندا مەملەكەتتىك باسقارۋ ورگاندارى مەن جەكە جانە زاڭدى تۇلعالار اراسىنداعى قاتىناستى رەتتەيدى جانە ازاماتتار مەن قازاقستان رەسپۋبليكاسىنىڭ ەكونوميكاسىن تەرىس ولشەم ناتيجەلەرىنەن قورعاۋعا باعىتتالعان.
وسىعان وراي, تۇتىنۋشىلارعا تازا سالماعى سايكەس ەمەس ونىمدەر فاكتىسى كەزدەسكەن جاعدايدا, زاڭناماعا سايكەس شارا قولدانۋ ءۇشىن تۇرعىلىقتى جەرى بويىنشا اۋماقتىق دەپارتامەنتتەرگە حابارلاسۋعا بولاتىنى ءتۇسىندىرىلدى.
«تەحنيكالىق رەتتەۋ جانە مەترولوگيا كوميتەتىنىڭ استانا, الماتى قالالارى بويىنشا جانە وبلىستىق دەپارتامەنتتەرى ساتۋ جانە يمپورتتاۋ كەزiندەگى كەز كەلگەن ورام تۇرىندەگi ولشەپ ورالعان تاۋارلاردىڭ سانىنا باقىلاۋ جۇرگىزۋگە ۋاكىلەتتى ورگان ەكەنىن اتاپ ايتقىم كەلەدى, — دەيدى تەحنيكالىق رەتتەۋ جانە مەترولوگيا كوميتەتىنىڭ استانا قالاسى بويىنشا دەپارتامەنتىنىڭ ءبولىم جەتەكشىسى ا, قابىلوۆا.
وسىعان وراي, كوميتەت تولىعىراق اقپارات العىسى كەلەتىندەرگە تەحنيكالىق رەتتەۋ جانە مەترولوگيا كوميتەتىنىڭ استانا قالاسى بويىنشا دەپارتامەنتىنە مىنا بايلانىس پەن مەكەنجايعا: استانا قالاسى, ماڭگىلىك ەل داڭعىلى, 11, تەل.:750541,750542, email gosnadzor_astana@mail.ru. حابارلاسۋعا بولاتىنىن نازارعا بەرەدى.
