14 وبلىس جانە استانا, الماتى قالالارىنان بارلىعى 275 سپورتشى قاتىسقان ەل چەمپيوناتىندا جاس سپورتشىلارىمىز ءساتتى ونەر كورسەتتى. ايتا كەتەيىك, جارىس «كۋميتە» جانە «كاتا» دەپ اتالاتىن 2 جاتتىعۋ ءتۇرى بويىنشا ءوتتى. وبلىس اتىنان 27 سپورتشى سىنعا ءتۇستى. بيىلعى جىلى شىعىسقازاقستاندىق سپورتشىلار تەك استانا قالاسىنان جانە اقمولا وبلىسىنان كەلگەن قۇرامالاردى العا جىبەرىپ, جالپىكوماندالىق ەسەپتە 3-ءشى ورىنعا يە بولدى. وبلىس قۇراماسىنىڭ قورجىنىندا 4 التىن, 5 كۇمىس جانە 8 قولا مەدال بار. ايماق قۇراماسىنىڭ ساپىندا وسكەمەندىكتەردەن بولەك, گلۋبوكوە, شەمونايحا اۋداندارىنىڭ جانە سەمەي قالاسىنىڭ سپورتشىلارى بولدى.
– ەڭ ءبىرىنشى ءبىزدىڭ بارلىق باپكەرلىك قۇرامعا, قولداۋ تانىتقان اتا-انالارعا العىسىمدى بىلدىرگىم كەلەدى. اتالمىش سپورت ءتۇرىنىڭ دامۋىنا ەلەۋلى ۇلەس قوسىپ كەلە جاتقان شىعىس قازاقستان وبلىسىنىڭ دەنە شىنىقتىرۋ جانە سپورت باسقارماسىنا جەكە العىسىمدى ايتقىم كەلەدى, – دەدى شىعىس قازاقستان وبلىستىق كيوكۋشينكاي-كان كاراتە فيليالىنىڭ جەتەكشىسى رۋسلان الشىمباەۆ.
ۇزدىك ناتيجە كورسەتكەن سپورتشىلار قاراشانىڭ 19 كۇنى رۋمىنيادا وتەتىن ەۋروپا چەمپيوناتىنا اتتاناتىن بولادى. ول جارىستان كەيىن وبلىس قۇراماسى جەلتوقساننىڭ 23-24 كۇندەرى استانا قالاسىندا وتەتىن حالىقارالىق جارىستا باق سىناماق.
«كۋميتە» جاتتىعۋى بويىنشا جەڭىمپازدار مەن جۇلدەگەرلەر:
40 كيلو سالماقتا:
1-ورىن د.كوستۋباەۆ.
45 كيلودا:
1-ورىن گ.گۋروۆ.
45 كيلودان جوعارى سالماقتا:
1-ورىن ج.ەدليپوۆا.
50 كيلودا:
2-ورىن س.كارتاۆتسەۆا.
65 كيلودا:
2-ورىن د.باكلاشوۆ,
2-ورىن ە.داۋباەۆ.
50 كيلوعا دەيىنگى سالماقتا:
3-ورىن د.ميتروفانوۆ.
45 كيلوعا دەيىنگى سالماقتا:
3-ورىن د.قازىبەكقىزى.
60 كيلودا:
3-ورىن ر.كۋرياتكوۆ.
80 كيلودا:
3-ورىن ب.اكسەنوۆ.
55 كيلودان جوعارى سالماقتا:
3-ورىن ا.وجوگينا.
55 كيلودا:
3-ورىن م.ۆاسيلەۆ.
60 كيلوعا دەيىنگى سالماقتا:
3-ورىن ۆ.چەنزە.
سونداي-اق, «كاتا» جاتتىعۋى بويىنشا ءوز سالماق دارەجەسىندە م.كاليۋجين 1, ج.ەدليپوۆا 2 جانە ا.سەمىزباەۆا 3 ورىنعا يە بولدى.
ازامات قاسىم,
«ەگەمەن قازاقستان»
