جوبا اياسىندا عىلىمي كونفەرەنتسيالار, سەمينارلار, ترەنينگتەر, تاقىرىپتىق جانە شولۋ ەكسكۋرسيالارى, سونداي-اق «نازارباەۆ مودەلى» كىتابىنىڭ تۇساۋكەسەرى ءتارىزدى بىرقاتار ءىس-شارالار وتكىزىلەدى. جوبا شارالارى تۇڭعىش پرەزيدەنت كۇنىن, قازاقستان رەسپۋبليكاسىنىڭ تاۋەلسىزدىك كۇنىن مەرەكەلەۋگە وراي ۇيىمداستىرىلادى.
ەلباسى كىتاپحاناسىنىڭ جوباسى وڭتۇستىك استانامىزداعى كوپشىلىكتىڭ نازارىنا ۇسىنىلادى. جوبانىڭ نەگىزىن ەلباسى كىتاپحاناسىنىڭ قور جيناقتارىنان قۇرالعان «ن. نازارباەۆ: ءداۋىر, تۇلعا, قوعام» كوشپەلى قور كورمەسى قۇراماق. كورمە 10 قاراشا كۇنى, ساعات 11.00-دە قازاقستان رەسپۋبليكاسىنىڭ ورتالىق مەملەكەتتىك مۋزەيىندە سالتاناتتى تۇردە اشىلادى.
كورمەنىڭ نەگىزگى ماقساتى قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ تاۋەلسىز قازاقستاننىڭ تاريحي ومىرىندەگى ءرولىن جۇيەلى تۇردە كەڭىنەن كورسەتۋ.
كورەرمەندەر نازارىنا ەلباسى كىتاپحاناسىنىڭ ارحيۆ, كىتاپحانا, مۋزەي قورلارىنىڭ ماتەريالدارى ۇسىنىلاتىن بولادى: ن. ءا. نازارباەۆتىڭ جوعارى مەملەكەتتىك ناگرادالارىنىڭ بىرەگەي جيناعى, قۇراندار كىتابىنىڭ جيناعى, مەملەكەت باسشىلارى جانە قازاقستاندىق اۆتورلار تارتۋ ەتكەن قولتاڭباسى بار كىتاپتار, ن. ءا. نازارباەۆتىڭ شەت تىلدەرىنە اۋدارىلعان ەڭبەكتەرى.
كورمە ساراپتامالىق قاۋىمداستىقتىڭ, عالىمداردىڭ ءبىلىم جانە مادەنيەت سالالارى ماماندارىنىڭ كەزدەسۋلەرى وتەتىن ورىنعا اينالماق. قر ومم, ءال-فارابي اتىنداعى قازۇۋ, قازاق ۇلتتىق اگرارلىق ۋنيۆەرسيتەتى, اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە عىلىمي كونفەرەنتسيالار جوسپارلانعان. عىلىمي-تاجىريبەلىك, ادىسنامالىق سەمينارلار قر ورتالىق مەملەكەتتىك مۋزەيىندە جانە اتالمىش جوعارعى وقۋ ورىندارىندا جۇرگىزىلەدى.
كورمەنىڭ جۇمىسى بارىسىندا وڭتۇستىك استانامىزدىڭ تۇرعىندارى مەن قالا قوناقتارى تاقىرىپتىق جانە شولۋ ەكسكۋرسيالارىن تىڭداۋعا, قور كورمەسىمەن, سونداي-اق, ەلباسى كىتاپحاناسىنىڭ جۇمىس باعىتتارىمەن تانىسۋعا مۇمكىندىك الادى.
«ن. نازارباەۆ: ءداۋىر, تۇلعا, قوعام» كورمەسى 2018 جىلدىڭ 14 قاڭتارىنا دەيىن جالعاسادى.
