وتانداسىمىز 28 قازان كۇنى جەتىنشى كەزدەسۋىن وتكىزەدى. ونىڭ بۇل جولعى قارسىلاسى – كولۋمبيالىق كارلوس پاديللا مەزا.
بوكس كەشى اقش-تىڭ كوننەكتيكۋت شتاتىنا قاراستى ماشانتاكەت قالاسىنداعى «Foxwoods Resort Casino» كەشەنىندە وتەدى. كاسىپقوي شارشى الاڭعا 28 جاستاعى كارلوس پاديللا 2010 جىلى كەلگەن. وسى ۋاقىتقا دەيىن 23 جەكپە-جەك وتكىزىپ, سونىڭ 16-سىندا جەڭىسكە جەتكەن. 6 كەزدەسۋدە قارسىلاستارىنا ەسە جىبەرسە, بىرەۋىندە تەڭ تۇسكەن.
«قارسىلاسىمدى بۇگىن عانا ءبىلىپ وتىرمىن. سوڭعى كەزدەسۋىن وسى جىلدىڭ تامىز ايىندا امەريكالىق وستين دۋلايمەن وتكىزىپتى. تاجىريبەسى ءوز الدىنا, ول سونداي-اق وتە ءتوزىمدى ەكەن. قارا كۇشكە يە بوكسشىنىڭ وسال تۇستارىن دا بايقادىم. ەندى بارلىعىن شارشى الاڭ كورەمىز», – دەيدى ايدار شارىباەۆ.
ەستەرىڭىزگە سالا كەتەيىك بۇعان دەيىن كاسىپقوي بوكستا التى كەزدەسۋ وتكىزگەن ايدار شارىباەۆ بارلىعىندا جەڭىسكە جەتكەن بولاتىن.
