«وڭىردە شاعىن جانە ورتا بيزنەس قارقىندى تۇردە دامىپ كەلەدى. بيىل كاسىپكەرلىك سۋبەكت وكىلدەرى بيۋدجەتكە 18 ملرد تەڭگە سالىق قۇيدى. بۇل وتكەن جىلدىڭ وسى كەزەڭىمەن سالىستىرعاندا 25 پايىزعا كوپ. ەكىنشى دەڭگەيدەگى بانكتەر بيزنەس سالاسىنا 38 ملرد تەڭگە نەسيە بەردى», دەدى قۇمار ىرگەباي ۇلى.
مەملەكەت باسشىسى وسىدان ون جىل بۇرىن «پارىز» بايقاۋىن جاريالاپ, وعان 212 سولتۇستىكقازاقستاندىق كاسىپورىن قاتىسقان بولاتىن. ولاردىڭ اراسىنان 14-ءى رەسپۋبليكالىق كەزەڭنىڭ لاۋرەاتتارى مەن جۇلدەگەرلەرى اتانعان.
«پارىز – جەتىستىكتىڭ 10 جىلدىعى» بايقاۋى اياسىندا وبلىس اكىمىنىڭ العىس حاتىمەن «مامليۋت ۇن ۇگۋ كومبيناتى» مەن «سۇلتان ەلەۆاتور-ديىرمەن-ماكارون كەشەنى» ماراپاتتالدى.
«ەڭبەك جولى» بايقاۋىندا «ۇزدىك ەڭبەك اۋلەتى» اتالىمى بويىنشا «پەتروپاۆل №2 جىلۋ ەلەكتر ورتالىعىندا» ەڭبەك ەتەتىن زوزۋليا وتباسى جەڭىسكە جەتتى. «جۇمىس ىستەيتىن جاستاردىڭ ۇزدىك تالىمگەرى» اتالىمىندا «احمۋتدينوۆ» جك-ءنىڭ اعاش شەبەرى مەيىرحان قاسىموۆ ۇزدىك دەپ تانىلدى. ء«وندىرىستىڭ ۇزدىك جاس قىزمەتكەرى» بولىپ «رادۋگا» جشس شەبەرى رۋسلان تولستىح اتاندى.
«پارىز 2017» بايقاۋى بويىنشا «ۇزدىك الەۋمەتتىك جاۋاپتى كاسىپورىن اتالىمىندا «دايىندىق-اگرو», «پرومەتەي-اگرو» جانە «نەجينكا-ەركە» جشس-تەرى جەڭىسكە جەتتى. «ەڭبەك قورعاۋ سالاسىنداعى ۇزدىك كاسىپورىن» جانە «ۇزدىك ۇجىمدىق شارت» اتالىمىندارىنا «قازاقتەلەكوم» اق-نىڭ وبلىستىق فيليالى, ء«مولدىر سۋ - 2016» جشس جانە «اندرەەۆكا سك» جشس لايىق دەپ تانىلدى.
وننان وزعان جۇيرىكتەر استانادا وتەتىن رەسپۋبليكالىق بايقاۋدا وبلىس نامىسىن قورعايتىن بولادى.
ءومىر ەسقالي,
«ەگەمەن قازاقستان»
