جۋىردا مەملەكەت باسشىسى نۇرسۇلتان نازارباەۆ لاتىن ءالىپبيىنىڭ ورتاق نۇسقاسىن جاسايتىن جۇمىس توبىن قابىلداعانى بەلگىلى. كەزدەسۋ بارىسىندا قوعامدىق تالقىلاۋ كەزىندە الىنعان ۇسىنىستار ەسكەرىلە وتىرىپ دايىندالعان, لاتىن گرافيگىندەگى قازاق ءالىپبيىنىڭ بىرىڭعاي ستاندارتىنىڭ جوباسى ۇسىنىلدى. جۇمىس توبىنىڭ ۇسىنىسىمەن تانىسىپ شىققان مەملەكەت باسشىسى «مەن جاريالاعان رۋحاني جاڭعىرۋ اياسىندا ەل بولىپ ماڭىزدى جۇمىستارعا كىرىسىپ كەتتىك. سونىڭ ىشىندەگى مەملەكەتتىك ءتىلدى رەفورمالاۋ ەڭ نەگىزى, جاۋاپتى ماسەلە بولاتىنىن وزدەرىڭىز ەستىدىڭىزدەر.
ءار ۇسىنىس, ءار نۇسقا مۇقيات ساراپتالدى, قارالدى. سول سەبەپتى جالپىحالىقتىق تالقىلاۋعا تۇسىردىك. ءسوز رەتى كەلگەندە ايتايىق, الەمنىڭ بىردە-ءبىر مەملەكەتى ءوزىنىڭ ءالىپبيىن ەنگىزۋدە ءبىز سياقتى حالىقپەن اقىلداسقان جوق», – دەگەن بولاتىن. سونداي-اق ەلباسى قازاق جازۋىنىڭ لاتىن قارپىنە كوشىرىلۋىن ءجىتى قاداعالاپ وتىرعانىن جەتكىزىپ, باستاما مۇقيات سارالانۋى ءتيىس ەكەندىگىن باسا ايتتى. قازاق ءالىپبيىن لاتىن قارپىنە كوشىرۋ – بۇگىنگى كوعام تالابى. بۇل باستاما ءبىزدى وركەنيەتتى ەلدەردىڭ قاتارىنا قوسىلىپ, بولاشاعىمىزدىڭ باياندى بولۋىنا باعىتتايتىن باستاما.
لاتىن ءالىپبيى تۇركى الەمىنىڭ ورتاقتىعىنا الىپ باراتىن ىزگى باستامالاردىڭ ءبىرى ءارى بۇل قادام ارقىلى جاستاردىڭ قازاق ءتىلىن مەڭگەرۋى جەڭىلدەيتىن بولادى. سونىمەن قاتار مەملەكەت باسشىسى اتالعان باستاما رەت-رەتىمەن, بىرتىندەپ جۇزەگە اساتىندىعىن, ءتىل رەفورماسى ەشكىمدى الاڭداتپاۋى كەرەكتىگىن جەتكىزدى. ول ءوز سوزىندە 2050 جىلعا دەيىنگى باعدارلامادا وعان باسىمدىق بەرىلىپ, 2025 جىلعا دەيىن قازاق ءتىلى تۇگەل بۇل الىپبيگە كوشۋى ءتيىس ەكەندىگىن تىلگە تيەك ەتتى.
قازىرگى تاڭدا قىزۋ تالقىعا ءتۇسىپ جاتقان بۇل باستاما ارقىلى ءبىز ءبىلىمنىڭ, عىلىمنىڭ, ءىت تەحنولوگيانىڭ تورىنە, وركەنيەتتىڭ ورىنە جەتەلەيتىن توتە جولعا ءتۇسۋىمىز كەرەك. سونداي-اق ءبىزدىڭ لاتىن قارپىنە كوشپەيتىنىمىزدى, تەك قايتا ورالاتىنىمىزدى ەسكە العان ءجون. بۇل باستاما جاستاردىڭ تاراپىنان ۇلكەن قولداۋعا يە جانە بولاشاعىمىزدى وسى ارقىلى ەلەستەتەمىز. وسى تۇرعىدا كوعامنىڭ باستى قوزعاۋشى كۇشى بولىپ تابىلاتىن جاستاردى لاتىن قارپىنە قايتا ورالۋ بارىسىندا وزدەرىنىڭ ويلارىن ورتاعا سالىپ, ونى قولداۋعا شاقىرامىز.
بەرىك وسكەمباەۆ,
«جاسىل ەل» ەڭبەك جاساقتارىنىڭ جامبىل وبلىسى بويىنشا توراعاسى
