وبلىس اكىمى اۋدان ورتالىعى مەن بورودينو اۋىلىنداعى ورتا مەكتەپتەردى ارالاپ, وقۋشىلارمەن كەزدەستى. ءبىلىم شاڭىراقتارىندا بولاشاق ۇرپاق قامى ءۇشىن جاسالعان جاعدايمەن تانىسىپ, ۇلتتىق بىرىڭعاي تەستىلەۋ قورىتىندىلارىن تىلگە تيەك ەتتى. كەزدەسۋ بارىسىندا دانيال احمەتوۆ نەگە بىرقاتار مەكتەپ تۇلەكتەرىنىڭ تاڭداۋى ۇبت ەمەس, كورشى مەملەكەتتەردىڭ جوعارى وقۋ ورىندارىنا تۇسەتىنىن اشىق ايتتى.
-كەيبىر مەكتەپ ديرەكتورلارىنىڭ بىلىكتىلىك دەڭگەيلەرى تومەن. ونى جاسىرۋ ءۇشىن بالالار ۇبت تاپسىرعىلارى كەلمەيتىندىكتەرىن ايتادى. كەيبىر جىلى ناتيجە جوعارى بولمايتىن شىعار. بىراق, كورسەتكىشتەر تومەن ءتۇسىپ كەتەدى دەپ قورىقپاۋ كەرەك. ول ءۇشىن مەكتەپ ديرەكتورلارىن ەشكىم جۇمىستان شىعارمايدى, تەك بولاشاققا ۇلكەن ساباق بولادى, - دەدى دانيال احمەتوۆ. – وبلىس بويىنشا ۇبت ورتاشا بالى 83. وسكەمەننىڭ 47 مەكتەبىنىڭ تەك بەسەۋى عانا جۇزدەن جوعارى بالل الدى. ال كوكپەكتى اۋدانىنىڭ 17 مەكتەبىنىڭ التاۋى جوعارى بالل جيناعان.
وبلىس اكىمى سونىمەن قاتار, شىعىس قازاقستاندا ساپالى ءبىلىم بەرەتىن جوعارى وقۋ ورىندارى بارىن العا تارتتى. سوندىقتان كەلەسى جىلى 400 ءبىلىم گرانتى بولىنەدى.
ازامات قاسىم,
«ەگەمەن قازاقستان»
شىعىس قازاقستان وبلىسى
