فوتو: تەمىربولات توقمامبەتوۆ
عابيدوللا وسپانقۇلوۆ 36 جاستا. 2002 جىلى قازاق گۋمانيتارلىق زاڭ ۋنيۆەرسيتەتىن, 2007 جىلى قازاقستان-رەسەي ۋنيۆەرسيتەتىن استانا قالاسىندا بىتىرگەن. 2015 جىلى «مەملەكەتتىك باسقارۋ» ماماندىعى بويىنشا بيرمينگەم ۋنيۆەرسيتەتىندە ( ۇلىبريتانيا) ماگيستر دارەجەسىن قورعاعان.
جاڭا ورىنباسار ەڭبەك جولىن «ەۆرازيا كونسالتينگ» جەكە كومپانياسىندا زاڭگەر كومەكشىسى بولىپ باستاعان. بۇدان كەيىن قازاقستان رەسپۋبليكاسى پارلامەنتى سەناتى دەپۋتاتىنىڭ كومەكشىسى; قازاقستان رەسپۋبليكاسى پارلامەنتى سەناتىنىڭ الەۋمەتتىك-مادەني دامۋ كوميتەتىمەن بايلانىستار ءبولىمىنىڭ باس كونسۋلتانتى; قازاقستان رەسپۋبليكاسى پرەزيدەنتى اكىمشىلىگىنىنىڭ پارلامەنتتەگى پرەزيدەنت وكىلدىگىنىڭ سەكتور مەڭگەرۋشىسى; پاۆلودار وبلىسى ەكىباستۇز قالاسى اكىمىنىڭ الەۋمەتتىك ماسەلەلەر جونىندەگى ورىنباسارى; پاۆلودار وبلىسىنىڭ ءبىلىم بەرۋ سالاسىندا باقىلاۋ دەپارتامەنتىنىڭ ديرەكتورى; قازاقستان رەسپۋبليكاسى ءبىلىم جانە عىلىم مينيسترلىگىنىڭ اكىمشىلىك جۇمىستار جانە جاستار ىستەرى جونىندەگى دەپارتامەنتىنىڭ ديرەكتورى; قازاقستان رەسپۋبليكاسى ءبىلىم جانە عىلىم مينيسترلىگى جاستار ىستەرى كوميتەتىنىڭ توراعاسى لاۋازىمدارىن اتقارعان. ورالعا كەلگەنگە دەيىنگى سوڭعى قىزمەتى - قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتىنىڭ ديرەكتورى بولىپ ىستەگەن ەكەن.
«ورتالىقتان – وڭىرگە» روتاتسياسى بويىنشا تاعايىندالعان جاڭا ورىنباسارىن وبلىس اكتيۆىنە تانىستىرعان التاي كولگىنوۆ ع.وسپانقۇلوۆقا جەمىستى ەڭبەك تىلەدى.
قازبەك قۇتتىمۇرات ۇلى,
«ەگەمەن قازاقستان»
