قالادا ماعجان جۇماباەۆ اتىمەن اتالاتىن №15 مەكتەپ-گيمنازياسى بار. الاشتىڭ قاھارمان ازاماتى, ەل تاۋەلسىزدىگى ءۇشىن وتتى جىرىن ارناپ, سول جولدا قاسىقتاي قانىندا قيعان ءور اقىننىڭ اسقاقتاعان ەسكەرتكىشى سول مەكتەپتىڭ الدىنا ورناتىلعان.
اشىلۋ سالتاناتىنا قالا اكىمى الىپبەك وسەرباەۆ مەن ادەبيەت سىنشىسى, پروفەسسور قۇلبەك ەرگوبەك, ماعجانتانۋشى-جازۋشى جاراسباي سۇلەيمەنوۆ پەن زاڭ عىلىمدارىنىڭ دوكتورى, پروفەسسور بەكەت تۇرعاراەۆ, جازۋشىلار وداعى توراعاسىنىڭ ورىنباسارى مارالتاي رايىمبەك ۇلى جانە زيالى قاۋىم وكىلدەرى قاتىستى.
ەلىمىزدىڭ وسكەلەڭ ۇرپاعىن ءورشىل رۋحتى ولەڭدەرمەن قولتىعىنان دەمەگەن ماعجان اقىننىڭ ءمۇسىنىنىن اۆتورى قازاقستان سۋرەتشىلەر وداعىنىڭ مۇشەسى, پروفەسسور ازات بايارلين بولسا, باس دەمەۋشىسى «وڭتۇستىك جارىق» مەكەمەسىنىڭ پرەزيدەنتى ءنابي ايتجانوۆ.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
