استانادا قازان ايىنان باستاپ «سەرگەك» بەينەباقىلاۋ جۇيەسى كامەراسىنىڭ كومەگىمەن 3435 اكىمشىلىك قۇقىق بۇزۋشىلىق انىقتالدى, دەپ حابارلايدى قالالىق ءىىد ءباسپاسوز قىزمەتى.
ونىڭ ىشىندە 1 مىڭعا جۋىعى جول قوزعالىسى ەرەجەلەرىن بۇزۋ فاكتىسى, 345-ءى قوعامدىق ورىنداردا كيىلىگىپ ءتيىسۋ, 299 - قوعامدىق ورىنداردا الكوگولدى ىشىمدىكتەر ىشكەن, جۇزگە جۋىعى كىشىگىرىم بۇزاقىلىق, 1720 – باسقا قۇقىق بۇزۋشىلىقتار.
«ايدىڭ باسىندا بەينەباقىلاۋ كامەراسىنىڭ كومەگىمەن «رامستور» سۋپەرماركەتىنىڭ ماڭايىنداعى كوپىردىڭ اركاسىنا ءۇش جىگىتتىڭ بۇزاقىلىق ارەكەتپەن شىقپاق بولعانىن بايقادىق. پوليتسەيلەر كامەلەت جاسىنا تولماعان (13 جاسار) ۇشەۋدى انىقتاپ, جاسوسپىرىمدەرمەن سويلەسۋ ءۇشىن ولاردى «سارىارقا» اۋداندىق ءىىب جەتكىزدى. ولارمەن پروفيلاكتيكالىق اڭگىمە جۇرگىزىلدى», - دەيدى پوليتسياداعىلار.
بۇدان باسقا, ءىىد باسقارماسىنىڭ جەدەل باسقارۋ ورتالىعىنىڭ بەينەباقىلاۋ كامەراسىنىڭ كومەگىمەن 24 قىلمىستىق قۇقىق بۇزۋشىلىق انىقتالدى, ونىڭ ىشىندە بۇزاقىلىق, بوتەننىڭ مۇلكىن ۇرلاۋ, توناۋ وقيعالارى تىركەلگەن.
