كوتتو اقش بوكسشىسى سادام اليگە (25-1, 14 كو) قارسى ءبىرىنشى ورتا سالماقتا WBO بەلبەۋىن قورعايتىن بولادى. ميگەلدىڭ قورجىنىندا 41 جەڭىس (33-ءى نوكاۋتپەن) جانە بەس جەڭىلىس بار.
ميگەل كوتتو ءبىرىنشى جارتىلاي ورتا سالماقتا, جارتىلاي ورتا سالماقتا, ءبىرىنشى ورتا جانە ورتا سالماقتا الەم چەمپيونى تيتۋلدارىن يەلەنگەن جانە دەماركۋس كورلي, پول مالينيادجي, زاب دجۋدا, شەين موزلي, انتونيو مارگاريتو, ريكاردو مايورگا, سەرحيو مارتينەس سياقتى بىلعارى قولعاپ شەبەرلەرىنىڭ ساعىن سىندىرعان.
«كاسىبي كارەرامداعى سوڭعى جەكپە-جەگىمدى Garden ارەناسىندا وتىزەتىنىمە قۋانىشتىمىن. قازىرگى دەڭگەيىمە جەتۋ ءۇشىن ۇزاق جىلدار بويى دايىندالدىم. ەندى 2 جەلتوقسان كۇنى جەڭىسكە جەتۋ ءۇشىن ايانىپ قالمايمىن», دەدى ميگەل كوتتو.
