ماڭگىلىك ەلگە اينالۋ ءۇشىن الدىمەن ءتىلىمىز, ءدىنىمىز, ءدىلىمىز مىقتى بولۋى كەرەك. سوندىقتان مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا كورسەتىلگەن تاپسىرمالاردى ورىنداۋعا بىلەك سىبانا كىرىسىپ كەتتىك. سونىڭ ءبىرى لاتىن الىپبيىنە كوشۋ تۋرالى. نۇرسۇلتان ءابىش ۇلى: «2025 جىلعا قاراي ءىس قاعازدارىن, مەرزىمدى ءباسپاسوزدى, وقۋلىقتاردى, ءبارىن دە لاتىن الىپبيىمەن باسىپ شىعارا باستاۋعا ءتيىسپىز. ول كەزەڭ دە تاياپ قالدى, سوندىقتان ءبىز ۋاقىت ۇتتىرماي, بۇل جۇمىستى وسى باستان قولعا الۋىمىز كەرەك. ءبىز وسىناۋ اۋقىمدى جۇمىستى باستاۋعا قاجەتتى دايىندىق جۇمىستارىنا قازىردەن كىرىسەمىز.
ۇكىمەت قازاق ءتىلىن لاتىن الىپبيىنە كوشىرۋدىڭ ناقتى كەستەسىن جاساۋى كەرەك. 2017 جىلدىڭ اياعىنا دەيىن عالىمداردىڭ كومەگىمەن, بارشا قوعام وكىلدەرىمەن اقىلداسا وتىرىپ, قازاق ءالىپبيىنىڭ جاڭا گرافيكاداعى بىرىڭعاي ستاندارتتى نۇسقاسىن قابىلداۋ كەرەك. 2018 جىلدان باستاپ جاڭا ءالىپبيدى ۇيرەتەتىن مامانداردى جانە ورتا مەكتەپتەرگە ارنالعان وقۋلىقتاردى دايىنداۋعا كىرىسۋىمىز قاجەت», دەپ ناقتى تاپسىرما بەرگەن بولاتىن.
سول سەبەپتى تاريحىمىزدى تۇگەندەپ, وركەنيەتتى ورلەتىپ, الەمدىك ارەناداعى بەدەلىمىزدى ارمەن قاراي ارتتىرۋ ءۇشىن ءالىپبي اۋىستىرۋىمىز تاريحي وقيعا بولماق. سوڭعى ۇسىنىلعان نۇسقا كوڭىلىمنەن شىقتى. ەكى ءارىپتىڭ قوسىلۋىنسىز, دايەكشەسى مەن نوقاتى دا از, ۇيرەنۋگە دە جەڭىل. وزگەلەر دە جىلدام يگەرىپ كەتەتىنە سەنىمدىمىن.
جامال بايماديەۆا,
«انالار كەڭەسىنىڭ» ءتورايىمى,
قالالىق ءماسليحات دەپۋتاتى
الماتى وبلىستىق
