«بىرىنشىدەن, سوچيدا وتكەن جوعارى ەۋرازيالىق ەكونوميكالىق كەڭەس وتىرىسىندا قازاقستان پرەزيدەنتى مەن قىرعىز رەسپۋبليكاسىنىڭ پرەمەر-مينيسترىمەن كەلىسسوزدەر وتكىزىلگەن جوق.
س. يساكوۆ مىرزانىڭ جەكە پاراقشاسىندا جاريالاعان سۋرەت بويىنشا مەملەكەت باسشىسىمەن از-كەم تىلدەسكەنىن بايقاۋعا بولادى.
ەكىنشىدەن, مەملەكەت باسشىسىنىڭ قازاقستان ۇكىمەتىنە شەكاراعا قاتىستى تۋىنداعان ساۋالداردى الىپ تاستاۋ تۋرالى اقپار شىندىققا جاناسىمسىز. شىن مانىسىندە ۇكىمەتكە اتالعان سۇراققا قاتىستى ۇكىمەتارالىق كەڭەس وتكىزۋ جونىندە تاپسىرما بەرىلدى», دەلىنگەن ءباسپاسوز بايانىندا.
ءباسپاسوز قىزمەتىنىڭ حابارلاۋىنشا, شەكارادان وتۋگە ەشقانداي شەكتەۋلەر نەمەسە تىيىمدار قويىلماعان. سونىمەن بىرگە, شەكاراداعى وپەراتسيانىڭ باستى ماقساتى - شەكارالاس اۋماقتاعى زاڭسىز قىزمەتتى توقتاتۋ, لاڭكەستىك, كونتراباندالىق جانە باسقا دا قىلمىستىق ارەكەتتەرمەن اينالىساتىن ادامداردى انىقتاۋ, شەكارا رەجيمىنە جانە كوشى-قون زاڭناماسىنا سايكەستىگىن تەكسەرۋ.
ايتا كەتەرلىك جايت, قىرعىزستاننىڭ شەكارا قىزمەتى قىرعىزستانداعى پرەزيدەنتتىك سايلاۋدى دايىنداۋ مەن وتكىزۋ كەزەڭىندە شەكارالىق باقىلاۋدىڭ كەڭەيتىلگەن نۇسقاسىنا اۋىستى.
قازاقستان رەسپۋبليكاسى پرەمەر-ءمينيسترىنىڭ ءباسپاسوز قىزمەتى بۇرمالانعان اقپاراتتاردىڭ تاراتىلۋىنا قاتىستى الاڭداۋشىلىقتى رەسمي تۇردە ءبىلدىرىپ, وبەكتيۆتى اقپارات بەرۋ ماسەلەسىندە كەز كەلگەن باق-پەن ىنتىماقتاستىققا اشىق بولۋىن راستايدى.
