كونفەرەنتسيا جۇمىسىنا ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ, ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى ءالىمحان جۇنىسبەك قاتىستى.
جيىن بارىسىندا ەربول تىلەشوۆ قازاق ءالىپبيىنىڭ جاڭا نۇسقاسىن جاساۋعا جەتەكشى ۇيىم ا. بايتۇرسىنوۆ اتىنداعى ءتىل ءبىلىمى ينستيتۋتى ەكەنىن اتاپ ءوتتى.
«ودان بولەك ءال-فارابي اتىنداعى قازاق ۇلتتىق ۋنيۆەرسيتەتتە, اباي اتىنداعى قازاق پەداگوگيكالىق ۋنيۆەرسيتەتتە, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە وسى سالانىڭ ماماندارى بار. سونىمەن قاتار مادەنيەت جانە سپورت مينيسترلىگىنىڭ باسشىلىعىمەن اشىلعان www.emle.kz سايتى بار. وسى سايتتا ءبىزدىڭ جازۋىمىزعا, ورفوگرافيامىزعا قاتىستى عىلىمي قور بار. جانە دە قازاق ءالىپبيىنىڭ جاڭا نۇسقاسى بەكىتىلگەننەن كەيىن kazlatyn.kz دەگەن پورتال نەمەسە سايت اشۋ جوسپارلانىپ وتىر. سول ارقىلى سىزدەر الىپبيگە بايلانىستى بارلىق سۇراقتارعا جاۋاپ تابا الاسىزدار», دەدى ەربول تىلەشوۆ.
ايتا كەتەتىن تاعى ءبىر جايت, ۇستىمىزدەگى جىلدىڭ 9 قازان كۇنى قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆقا «مەملەكەتتىك ءتىلدىڭ بىرىڭعاي ستاندارتتى ءالىپبيىنىڭ» جاڭا نۇسقاسى تانىستىرىلعان بولاتىن.
