اسقارجان قاپەز ۇلى كەنجەعارين 1963 جىلى تۋعان, جوعارى زاڭگەرلىك ءبىلىمى بار. ءوزىنىڭ ەڭبەك جولىن زاڭگەر ماماندىعى بويىنشا 1989 جىلى شۇبارتاۋ اۋداندىق نوتارياتتىق كەڭسەسىنىڭ نوتاريۋسى لاۋازىمىنان باستاعان.
1992-1996 جىلدارى سەمەي وبلىسى اياگوز حالىق سوتىنىڭ اتقارۋشىلىق جانە اكىمشىلىك ىستەر جونىندەگى سۋدياسى. 1996 جىلدان باستاپ 1998 جىلعا دەيىن شىعىس قازاقستان وبلىسى شۇبارتاۋ اۋداندىق سوتىنىڭ توراعاسى. 1998-2015 جىلدارى شقو سوتىنىڭ سۋدياسى. 2015 جىلعى اقپاننان باستاپ استانا قالاسى سوتى قىلمىستىق ىستەر جونىندەگى سوت القاسىنىڭ توراعاسى.
گۇلميرا قوقانقىزى جۇسىپبەكوۆا 1967 جىلى دۇنيەگە كەلگەن, جوعارى زاڭگەرلىك ءبىلىمى بار. 1989 جىلى قوستاناي وبلىسى امانگەلدى نوتاريالدىق كەڭسەسىنىڭ نوتاريۋسىندا زاڭگەر ماماندىعى بويىنشا ەڭبەك جولىن باستادى. 1992 جىلدان 1996 جىلعا دەيىن بۇرىنڭى تورعاي وبلىستىق ادۆوكاتتار القاسى اۋداندىق زاڭ كونسۋلتاتسياسىنىڭ ادۆوكاتى, مەڭگەرۋشىسى بولىپ جۇمىس ىستەدى. 1996-1997 جىلدارى تورعاي وبلىستىق سوتىنىڭ سۋدياسى. 1997-1998 جىلدارى اقمولا وبلىستىق سوتىنىڭ سۋدياسى. 1998 جىلعى قازاندا استانا قالاسى سوتىنىڭ سۋدياسى بولىپ تاعايىندالدى.
اشىق داۋىس بەرۋ ارقىلى سەناتورلار ءبىراۋىزدان ۇسىنىلعان كاديداتۋرالاردى قولدادى. وسىدان كەيىن اتالعان سۋديالاردىڭ انت قابىلداۋ ءراسىمى ءوتتى.
