ارنايى توپ وكىلدەرى ساپار اياسىندا وڭىردەگى, وبلىس ورتالىعىنداعى مەملەكەتتىك مەكەمەلەردى ارالاپ, جەمقورلىققا قارسى كۇرەس جۇمىس بارىسىنا مونيتورينگ جۇرگىزدى. حالىققا قىزمەت كورسەتۋدىڭ ساپاسىن ءبىلۋ ماقساتىندا وڭىردەگى مەملەكەتتىك ورگاندار مەن ۇيىمداردى ارالادى.
مەملەكەتتىك ورگانداردىڭ قىزمەتىنىڭ نەگىزگى قاعيداتى حالىقتىڭ ءال-اۋقاتىن كوتەرۋ, مەملەكەتتىك قىزمەتتەردىڭ اشىقتىعىن كۇشەيتۋ, ادامدار مەن بيزنەس مۇددەلەرىنە جانە قاجەتتىلىگىنە جاۋاپ بەرۋ.
كەزدەسۋ بارىسىندا «كاسىبي مەملەكەتتىك اپپاراتتى قالىپتاستىرۋدا» ۇلت جوسپارىنىڭ ءبىرىنشى باعىتىن ورىنداۋداعى تەكسەرۋ ناتيجەلەرى, «مەملەكەتتىك قىزمەت جانە سىبايلاس جەمقورلىققا قارسى ءىس-قيمىل تۋرالى زاڭنامانى ساقتاۋ» بويىنشا جەرگىلىكتى اتقارۋشى ورگانداردىڭ اتقارعان جۇمىستارى تۋرالى بايانادامالارى تىڭدالدى. سىبايلاس جەمقورلىق بۇگىنگى كۇننىڭ وزەكتى ماسەلەردىڭ ءبىرى. جەمقورلىقتى جويۋ ازىرگە مۇمكىن بولماي تۇر. شارا بارىسىنداعى كەزدەسۋدە اليك شپەكباەۆ جەرگىلىكتى شەنەۋنىكتەرگە ەشقانداي سىيلىق الۋعا, جۇمىس, قىزمەت كابينەتتەرىنە «سىيلىق جيناپ» مۋزەي جاساۋعا بولمايتىندىعىن ەسكەرتتى. مەملەكەتتىك قىزمەتكەرلەردىڭ كابينەتتەرى كىشىگىرىم مۋزەيگە ۇقساپ بارا جاتقاندىعىن سىنعا الدى.
بيىلعى جىلدىڭ قىركۇيەك ايىندا ءوڭىر شەنەۋنىكتەرىنە جالپى قۇنى 207 125 تەڭگە كولەمىندە تابىستالعان 116 سىيلىق كەرى قايتارىلعان. سونداي-اق, وتىرىستا مەملەكەتتىك مەنشىكتەگى اۆتوكولىكتەردىڭ مەملەكەتتىك قىزمەتكەرلەردىڭ تۋىستارى مەن بالالارىنا ارنالماعانى, سول ءۇشىن مەملەكەتتىك م ۇلىكتى جەكە باستارىنا پايدالانباۋ كەرەكتىگى دە ايتىلدى. جيىن سوڭىندا ارنايى توپ وكىلدەرى وڭىردەگى قالالار جانە اۋداندار اكىمدەرىنىڭ قىزمەتتىك اۆتوكولىكتەرىنە انىقتاۋىش ايىرىم بەلگىلەرىن ورنالاستىرۋ بويىنشا وتكەن شاراعا قاتىستى.
فاريدا بىقاي,
«ەگەمەن قازاقستان»
پاۆلودار وبلىسى
