ونىڭ اياسى بيزنەس پەن كاسىپكەرلىك ءىستى ءتيىمدى تۇردە جۇرگىزە بىلۋدەگى سان الۋان تاقىرىپتاردى قامتىدى. بيزنەستىڭ قىرى مەن سىرىن, ونىڭ ارعى استارلارى مەن ىشكى يىرىمىدەرىن قاپىسىز مەڭگەرگەن شەت ەلدىك جانە وتاندىق كاسىپكەرلەر جۇرگىزگەن شەبەرلىك ساباقتارى جوعارى وقۋ ورىندارىنىڭ ستۋدەنتتەرىنە بۇل ءىستى جاڭادان باستاعاندار مەن شاعىن جانە ورتاشا بيزنەستىڭ وكىلدەرىنە ارنالدى.
ونىڭ باستى ارقاۋى – ءوزىڭدى ءوزىڭ جاسا دەگەن ۇستانىمعا ارقا سۇيەدى. فورۋمنىڭ ءوتۋ بارىسى كەزىندە بەلگىلى بولعانداي تابىستى تۇلعالار وتكىزگەن شەبەرلىك كلاستارى وعان قاتىسۋشىلار ءۇشىن اقىسىز جۇرگىزىلدى. سونداي-اق مەدالدىڭ ەكى جاعى بار دەگەندەي كەشەگى ءبىر كۇندەرى فورۋم اياسىندا سول الەۋەتتى كاسىپكەرلەردىڭ وزدەرى ءۇشىن دە شەبەرلىك ساعاتارى وتكىزىلگەنى بەسىنشى باسقوسۋدىڭ تاعى ءبىر ەرەكشەلىگى ىسپەتتەس.
ونى يزرايل, ماسكەۋ جانە سكولكوۆو قالالارىندا ارنايى سەريفيكاتتالعان بيزنەس –جاتتىقتىرۋشىلار مەن كوسالتينكتىك باسشىلارى جۇرگىزدى. اتالعان شارالار شوعىرى اقتوبە قالاسىنداعى «اتامەكەن» بيزنەس-ورتالىعىندا ۇيىمداستىرىلدى. «دوستىق» كاسىپكەرلەر كلۋبىنىڭ نەگىزىن قالاۋشى جانە سەرتيفيكاتتالعان بيزنەس-جاتتىقتىرۋشى سالامات دانابەكوۆ كاسىپكەرلىكتىڭ كوسەگەسىن كوگەرتۋدە مۇنداي كەزدەسۋلەر مەن باسقوسۋلاردىڭ پايداسى مول بولاتىنىن ايتىپ بەردى. سونىمەن قاتار ول فورۋمدى ورتاعا تاستالعان جوبالاردىڭ اقتوبە ايماعىندا قول جەتكىزۋدىڭ ءتيىمدى تۇستارىنا توقتالدى.
ءتۇيىپ ايتقاندا, مۇنداي ايرىقشا شەبەرلىك كلاستارى بىرىنشىدەن كاسىپكەرلەردىڭ بىلىكتىلىگىن ودان ءارى كوتەرۋگە كومەگىن تيگىزسە, ەكىنشىدەن مۇنداي قادام قالىڭ جۇرتىشىلىقتىڭ بەلگىلى ءبىر كاسىپتى باستاۋعا دەگەن قىزىعۋشىلىعىن تۋعىزباق. بيزنەستىڭ بەل ورتاسىندا جۇرگەندەردىڭ الەۋەتى ودان ءارى ارتا تۇسۋىنە العىشارت قالاماق.
تەمىر قۇسايىن,
«ەگەمەن قازاقستان»
اقتوبە
