فوتو: ەرلان ومار, «ەگەمەن قازاقستان»
اندراش باراني مىرزا ءوز كەزەگىندە ەتنوگراف عالىم ميحاي حوپپالدىڭ دەنساۋلىق جاعدايىنا بايلانىستى بۇگىنگى كورمەنىڭ اشىلۋ سالتاناتىنا كەلە الماعانىن جەتكىزدى. ەلشى ۆەنگريا پرەزيدەنتىنىڭ وزىنە ماڭىزدى مىندەت جۇكتەگەنىن ايتا كەلىپ, مەملەكەتتىك ماراپات تۋرالى پرەزيدەنت قاۋلىسىن وقىپ بەردى.
ماراپاتتاۋ ءراسىمى اكادەميادا ماجارستان ەلشىلىگىمەن بىرلەسە ۇيىمداستىرىلعان ماجار ەتنوگرافى, پروفەسسور ميحاي حوپپالدىڭ زەرتتەۋى بويىنشا ازىرلەنگەن «شاماندار مەن جورا-راسىمدەر» اتتى فوتوكورمە اياسىندا بولدى.
ەستەرىڭىزگە سالا كەتەيىك, ۆەنگريانىڭ ەڭ جوعارى مەملەكەتتىك ماراپاتى دارحان قىدىرالىگە قازاقستان رەسپۋبليكاسى مەن ماجارستان اراسىنداعى عىلىمي جانە مادەني قارىم-قاتىناستاردى نىعايتۋعا, سونداي-اق تانىمال تۇركىتانۋشى يشتۆان قوڭىر ماندوكيدىڭ قۇندى ەڭبەگىن ساقتاۋعا قوسقان ۇلەسى ءۇشىن ماجارستان پرەمەر-ءمينيسترىنىڭ ۇسىنۋىمەن بيىلعى تامىز ايىندا تاعايىندالعان ەدى.
ايا ءومىرتاي,
«ەگەمەن قازاقستان»
