مەملەكەت باسشىسى ن.نازارباەۆ سوچيدە ءوتىپ جاتقان تمد-عا مۇشە مەملەكەتتەر باسشىلارىنىڭ كەڭەسىندە ۇيىم جۇمىسىن بۇگىنگى كۇن تالاپتارىنا بەيىمدەۋ كەرەكتىگىن ايتتى.
- قۇرمەتتى ارىپتەستەر! وتكەن جىلى ءبىز سىزدەرمەن بىرگە تاۋەلسىز مەملەكەتتەر دوستاستىعىنىڭ 25 جىلدىعىن اتاپ وتتىك. بۇل بىزگە دوستاستىقتىڭ اتقارعان جۇمىستارىنىڭ قورىتىندىسىن سارالاۋعا مۇمكىندىك بەردى. تمد-نىڭ ارقاسىندا ءبىزدىڭ ساۋدا-ەكونوميكالىق قاتىناستارىمىز ىلگەرىلەپ كەلەدى, سونىڭ ىشىندە ەركىن ساۋدا ايماعىن قۇرۋ تۋرالى كەلىسىم باستى ەلەمەنت بولعانىمەن كەلىسەمىن. وسى ۋاقىت ارالىعىندا ءبىزدىڭ قول جەتكىزگەن جەتىستىكتەرىمىز از ەمەس. الداعى ۋاقىتتا وسىمەن شەكتەلىپ قالماۋىمىز كەرەك دەپ سانايمىن. ۇيىمنىڭ قىزمەتىن جەتىلدىرىپ, بۇگىنگى كۇن تالاپتارىنا بەيىمدەۋدى ودان ءارى جالعاستىرۋىمىز قاجەت,- دەدى.
ارنۇر اسقار,
«ەگەمەن قازاقستان»
سوچي
