ال ونەركاسىپ ءونىمىنىڭ جالپى كولەمى 1 ملرد 824 ملن 300 مىڭ تەڭگەگە جەتىپ وتىر. بۇگىن بۇل تۋرالى وڭىرلىك كوممۋنيكاتسيا ورتالىعىندا وتكەن ءباسپاسوز ءماسليحاتىندا بايدىبەك اۋدانىنىڭ اكىمى باقىتبەك تاناگوزوۆ ءمالىم ەتتى.
اۋدان باسشىسىنىڭ ايتۋىنشا, بيىل وڭىردە اۋىل شارۋاشىلىق ءونىمىنىڭ كولەمى 9 ملرد 936 ملن 200 مىڭ تەڭگەنى قۇراپتى.
«2017-2019 جىلدارعا ارنالعان اگروونەركاسىپتىك كەشەنىنىڭ دامىتۋ باعدارلاماسىنا اياسىندا اۋداندا ەگىستىك جەردىڭ 88,9 مىڭ گەكتارى يگەرىلدى. بىلتىرعى جىلمەن سالىستىرعاندا بيىل ەگىستىك جەردىڭ كولەمى 135 پايىزعا ياعني 23,1 مىڭ گەكتارعا ارتىق يەگىرىلدى. تامشىلاتىپ سۋعارۋ ءتاسىلىن 150 گا ەنگىزۋ جوسپارلانسا 2017 جىلدىڭ 8 ايىندا 164 گا ەنگىزىلىپ, جوسپار 109,3 پايىزعا ارتىعىمەن ورىندالدى», - دەدى باقىتبەك تولەن ۇلى.
بۇدان بولەك, اۋداندا 19 بىرلىك اۋىل شارۋاشىلىعى كووپەراتيۆتەرى قۇرىلعان. بۇگىنگى تاڭعا بورالداي اۋىلدىق وكرۋگىندەگى «ۇلكەن بۇلاق», بوگەن اۋىلدىق وكرۋگىندەگى «بايتاح», العاباس اۋىلدىق وكرۋگىندەگى «ارىستاندى KZ» اۋىل شارۋاشىلىعى كووپەراتيۆتەرى نەسيە الۋعا قۇجاتتارىن وتكىزىپ, قارجىلاندىرىلۋدا.
2017 جىلدىڭ 8 ايىندا «جۇمىسپەن قامتۋ 2020 جول كارتاسى» باعدارلاماسىنىڭ اياسىندا «ىرىس» ميكروقارجى ۇيىمى ارقىلى 53 ازاماتقا 175 ملن تەڭگە نەسيە بەرىلگەن. نەسيە العان ازاماتتار 44 ادامدى تۇراقتى جۇمىس ورنىمەن قامتىپ وتىر.
