ۇيىمداستىرۋ كوميتەتىنىڭ شەشىمىمەن دارىندى جاستار التى اتالىم بويىنشا شەبەرلىك بايقاسادى. كونكۋرسانتتار «كلاسسيكالىق مۋزىكا» (فورتەپيانو, سكريپكا, اۆاك (الت, ۆيولونچەل, كونتراباس), اكادەميالىق ءان ايتۋ), «بەينەلەۋ ونەرى» ء(مۇسىن, سقو), «حالىق مۋزىكاسى» (دومبىرامەن ءان ايتۋ, حالىق اسپاپتارى ءانسامبلى, دومبىرا), «تسيرك ونەرى», «اكتەرلىك شەبەرلىك» جانە «ۇزدىك ادەبي شىعارما» نوميناتسيالارىندا باقتارىن سىنايدى.
ايتا كەتەيىك, بيىل «ۇزدىك ادەبي شىعارما» نوميناتسياسى بويىنشا تەك بالالار مەن جاسوسپىرىمدەرگە عانا ارنالعان شىعارمالار قابىلدانادى. فەستيۆال سوڭىندا ۇزدىك تۋىندىلار كەڭ اۋديتوريا ءۇشىن ينتەرنەت-رەسۋرستاردا جاريالانادى.
ۇمىتكەرلەر ماتەريالداردى قازاقستان رەسپۋبليكاسى, استانا ق., 010000, بەيبىتشىلىك ك-ءسى, 11 مەكەن-جايى بويىنشا استانا قالاسىنىڭ مادەنيەت, مۇراعاتتار جانە قۇجاتتاما باسقارماسىنا جولداۋى كەرەك. بايقاۋعا قاتىسۋعا ءوتىنىمدى www.shabyt.astana.kz سايتىندا ونلاين تۇردە بەرۋگە بولادى. سونىمەن قاتار, سايتتا فەستيۆالدىڭ ەرەجەسى مەن ءار نوميناتسيا بويىنشا قاتىسۋشىىلارعا قويىلاتىن تالاپتار جاريالانعان. تولىق اقپارات الۋ ءۇشىن +7 (7172) 556771,+7 (7172) 557409 تەلەفوندارى بويىنشا فەستيۆالدىڭ ۇيىمداستىرۋ كوميتەتىنە حابارلاسۋعا بولادى.
وتىنىمدەردى قابىلداۋ 2017 جىلدىڭ 20 قازانىنا دەيىن جالعاسادى.
بيىل «شابىت» حالىقارالىق شىعارماشىل جاستار فەستيۆالى 20-شى رەت وتكىزىلەدى. «شابىت» فەستيۆالى – ونەر الەمىندەگى ماڭىزدى وقيعا جانە دارىندى جاستار ءۇشىن ۇلكەن ساحناعا جول اشاتىن بىرەگەي الاڭ. وسى كۇنگە دەيىن فەستيۆالگە ونەردىڭ ءتۇرلى جانرلارى بويىنشا 10 مىڭنان استام ادام قاتىسقان. ءار جىلدارى قازاقستاندىق سىقاقشى تۇرسىنبەك قاباتوۆ, اقىن قالقامان سارين, بالەت ءارتيسى ايگەرىم بەكەتاەۆا, وپەرا ءانشىسى ايگۇل نيازوۆا, «مەلومەن» توبى, اشا ماتاي, ءانشى ءارى كومپوزيتور قايرات باەكەنوۆ جانە باسقا دا كەڭىنەن تانىمال شىعارماشىلىق تۇلعالار فەستيۆال گران-ءپريىن يەلەنگەن.
ەسكە سالايىق, وتكەن جىلى «ۇزدىك ادەبي شىعارما» نوميناتسياسى بويىنشا قاتىسقان جاس اقىن, جۋرناليست ەربول الشىنباي فەستيۆال گران-ءپريىن جەڭىپ العان بولاتىن.
