جيىنعا قاتىسقان ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ توراعاسى سۇڭعات ەسىمحانوۆ قازاقستاننىڭ ءبىرتۇتاس ەلەكتر ەنەرگەتيكالىق جۇيەسى رەسەي فەدەراتسياسىنىڭ جانە ورتالىق ازيا ەلدەرىنىڭ ەنەرگەتيكالىق جۇيەلەرىمەن قاتار شتاتتىق رەجىمدە جۇمىس ىستەپ جاتقانىن جەتكىزدى.
«اعىمداعى جىلدىڭ باسىنان بەرى رەسپۋبليكادا 75 ملرد كۆت ساعات نەمەسە وتكەن جىلعى دەڭگەيدەن 9,5 پايىزعا كوپ ەلەكتر ەنەرگياسى ءوندىرىلدى جانە 71,7 ملرد كۆت ساعات نەمەسە وتكەن جىلعى دەڭگەيدەن 6,7% پايىزعا ارتىق ەلەكتر ەنەرگياسى تۇتىنىلدى», دەدى سپيكەر.
سونىمەن قاتار سۇڭعات ەسىمحانوۆ بۇگىنگى تاڭدا سولتۇستىك وڭىرلەردىڭ بارلىعىندا جىلۋ بەرۋ ماۋسىمى باستالعانىن, بارلىق الەۋمەتتىك نىسانداردا جىلۋ بەرىلىپ جاتقانىن, تۇرعىن ۇيلەرگە 80 پا-يىز جىلۋ بەرىلگەنىن مالىمدەدى.
«اقمولا, شىعىس قازاقستان, قوستاناي وبلىستارىندا جانە استانا قالاسىندا الەۋمەتتىك نىساندار تولىعىمەن قوسىلعان, قاراعاندى, سولتۇستىك قازاقستان, باتىس قازاقستان وبلىستارىندا بۇل نىساندار 80 % دەڭگەيىندە قوسىلعان. جىلىتۋ جۇيەسىنە ەڭ كوپ قوسىلعان تۇرعىن ۇيلەر اقمولا, شىعىس قازاقستان, قوستاناي, پاۆلودار وبلىستارىندا», دەدى ول.
راۋان قايدار,
«ەگەمەن قازاقستان»
