3-5 قازاندا قازاقستان رەسپۋبليكاسى ورتالىق سايلاۋ كوميسسياسى العاش رەت قر پرەزيدەنتى جانىنداعى مەملەكەتتىك باسقارۋ اكادەمياسىنىڭ بازاسىندا «قازاقستان رەسپۋبليكاسىندا سايلاۋ پروتسەستەرىن ۇيىمداستىرۋ ەرەكشەلىكتەرى بويىنشا بۇدان ءارى وقىتۋدى جۇزەگە اسىرۋ ءۇشىن ترەنەرلىك كورپۋستى دايارلاۋ» تاقىرىبىندا ەلەكتوراتتىق وقىتۋ بويىنشا سەمينار وتكىزۋدە.
سەميناردىڭ ماقساتى رەسپۋبليكالىق دەڭگەيدەن جەرگىلىكتى دەڭگەيگە دەيىن سايلاۋ كوميسسيالارى كادرلارىنىڭ بىلىكتىلىگىن ارتتىرۋ, سايلاۋ كوميسسيالارىنىڭ مۇشەلەرى مەن باسقا دا سايلاۋ پروتسەسىنە قاتىسۋشىلاردى بۇدان ءارى وقىتۋدى جۇزەگە اسىرۋ ءۇشىن ترەنەرلىك كورپۋسقا سايلاۋ تاقىرىبى بويىنشا وقىتۋ قۇزىرەتتەرى مەن ماشىقتارىن ۇيرەتۋ بولىپ تابىلادى.
سەمينار ورتسايلاۋكومنىڭ 2017 جىلعا ارنالعان ەلەكتوراتتىق وقىتۋىنىڭ سوڭعى كەزەڭى بولىپ تابىلادى.
سەمينارعا ەلىمىزدىڭ 14 وڭىرىنەن, استانا جانە الماتى قق. بارلىعى 150 ترەنەر قاتىسۋدا.
ءىس-شارانى اشا وتىرىپ, قر وسك توراعاسى بەرىك يماشەۆ وسى جىلى ورتسايلاۋكوم ءوز قىزمەتىن رەسپۋبليكالىق دەڭگەيدەن جەرگىلىكتى دەڭگەيگە دەيىنگى سايلاۋ كوميسسيالارىنىڭ كادر بىلىكتىلىگىن ارتتىرۋ سياقتى ماڭىزدى باعىتقا شوعىرلاندىرعانىن اتاپ ءوتتى. ەلەكتوراتتىق وقىتۋدىڭ 150 ترەنەرىن دايىنداۋدىڭ پيلوتتىق جوباسى سايلاۋ كوميسسيالارىنىڭ مۇشەلەرىن وقىتۋدى جۇيەلى ۇيىمداستىرۋداعى العاشقى قادام بولىپ تابىلادى.
سەمينارعا قاتىسۋشىلار الدىندا ورتالىق سايلاۋ كوميسسياسىنىڭ توراعاسى بەرىك يماشەۆ قازاقستاندا سايلاۋ جۇيەسىن دامىتۋ تۋرالى ءدارىس وقىدى.
«مەملەكەت باسشىسى باستاما ەتىپ كوتەرگەن الەۋمەتتىك جاڭعىرتۋ جاعدايىندا ءبىزدىڭ الدىمىزدا تۇرعان جاڭا ماقساتتار مەن مىندەتتەر وڭىرلىك سايلاۋ كوميسسيالارىنداعى ارىپتەستەرىمىزدىڭ جوعارى كاسىبي دايارلىعىن تالاپ ەتەدى.
سايلاۋدى ۇيىمداستىرۋشىلار الدىندا تۇرعان نەگىزگى مىندەت – زاڭدى بۇلجىتپاي ورىنداۋ. حالىقتىڭ قازاقستاننىڭ سايلاۋ جۇيەسىنە دەگەن سەنىمى, ەڭ الدىمەن, وسىعان بايلانىستى», - دەدى ب. يماشەۆ.
سونداي-اق سەميناردا وسك توراعاسىنىڭ ورىنباسارى كونستانتين پەتروۆ, وسك مۇشەلەرى ۆلاديمير فووس جانە مارات سارسەمباەۆ ءدارىس وقىدى.
سەمينارعا قاتىسۋشىلار ءۇشىن وسك توراعاسىنىڭ ورىنباسارى كونستانتين پەتروۆ, وسك حاتشىسى ءسابيلا مۇستافينا جانە وسك مۇشەلەرى ۆلاديمير فووس, باقىت مەلدەشوۆ, ءلاززات سۇلەيمەن پراكتيكالىق ساباقتار وتكىزدى.
سەميناردىڭ قورىتىندىلارى بويىنشا قاتىسۋشىلارعا سەرتيفيكاتتار تاپسىرىلاتىن بولادى.
