فوتو: Total.kz
"ەكسپو-2017 – بۇل ەلباسىمىزدىڭ تىكەلەي قاتىسۋىمەن جانە باقىلاۋىمەن ىسكە اسقان جاھاندىق جوبا.
نۇرسۇلتان نازارباەۆ بيىل تابىستى وتكەن كورمەنى استانادا وتكىزۋ جونىندەگى باستامانى وسىدان توعىز جىل بۇرىن, ياعني 2008 جىلى ساراگوسادا كوتەرگەن بولاتىن. ال 9 ماۋسىمدا قازاقستان بۇكىل الەمگە بولاشاقتىڭ ەنەرگياسى تۋرالى ۇستانىمىن تانىستىردى. سونىمەن بىرگە ەۋرازيا كىندىگىندە ورنالاسقان ەل رەتىندە تاۋەلسىزدىك العان 26 جىل ىشىندەگى دامۋ جەتىستىكتەرىن العا تارتا وتىرىپ, الەمنىڭ ەڭ دامىعان 30 ەلىنىڭ قاتارىنا ەنۋگە نيەتتى ەكەنىن ءمالىم ەتتى.
بۇگىنگدە الەمدە جاھاندىق ەنەرگەتيكالىق نارىقتىڭ جاڭا مودەلىنە كوشۋ ۇدەرىسى ءجۇرىپ جاتقانىن ەسكەرەر بولساق, كورمەنىڭ تاقىرىبى وزەكتى بولىپ ەسەپتەلەدى.
ارينە, بۇگىندە كوپتەگەن جاھاندىق پروبلەمالار بار. ال استاناداعى ەكسپو-2017 كورمەسى الەمدىك قاۋىمداستىقتىڭ سول پروبلەمالارعا قارسى شەشىمى بار ەكەنىن كورسەتتى. شامامەن 200-گە جۋىق قاتىسۋشى مەملەكەت, حالىقارالىق قاۋىمداستىقتار جانە كورپوراتسيالار كورمە بارىسىندا بولاشاق ەنەرگياسى تاقىرىبىندا جاڭارعان تەحنولوگيالارىن تانىستىردى. بۇل ءوز كەزەگىندە جاھاندىق ەنەرگەتيكانى دامىتۋ ءۇشىن جاڭا ۇلگىلەردىڭ پايدا بولۋىنا سەرپىن بەرەدى", دەدى ول. ەرجان باباقۇماروۆتىڭ ايتۋىنشا, مۇنىڭ ءبارى ەكسپو-2017 كورمەسىنىڭ بۇكىل ادامزاتقا پايداسىن تيگىزەتىن باي زياتكەرلىك مۇراسىن قۇرايدى.
سونىمەن قاتار ەرجان باباقۇماروۆ قازاقستاننىڭ الەمدىك قاۋىمداستىقپەن بىرىگە وتىرىپ, عالامشارىمىزداعى ەڭ وزەكتى سانالاتىن «بولاشاق ەنەرگياسى» تاقىرىبىن اشۋى ەلىمىزدى عالامدىق ماسەلەلەردى كوتەرىپ, ولاردىڭ شەشىلۋىنە اتسالىسا الاتىن دامىعان مەملەكەتتەردىڭ قاتارىنا قوساتىنىن جەتكىزدى. "مۇنداي ءرول 21 عاسىردا بىزگە مول مۇمكىندىكتەر بەرەدى. ەكسپو-2017 كورمەسىنىڭ ارقاسىندا قازاقستان عالامشارىمىزدىڭ ورنىقتى دامۋىنا قاجەتتى بىرەگەي تەحنولوگيالىق جانە ەكونوميكالىق شەشىمدەردى تابۋ جونىندەگى الەمدىك پروتسەسكە قاتىسۋشى مەملەكەت رەتىندەگى الەۋەتىن كۇشەيتتى.مەملەكەت باسشىسى اتاپ وتكەندەي, ءبىزدىڭ كورمەمىز جاڭا جاھاندىق جوبالاردىڭ باستاماسى بولادى", دەپ تۇيىندەدى سوزىن قر پرەمەر-مينيسترى كەڭسەسى جەتەكشىسىنىڭ ورىنباسارى ەرجان باباقۇماروۆ.
