كوپىردە كولىك قوزعالىسى اشىلدى

قوستاناي اينالما جولىندا سالىنىپ جاتقان  جاڭا كوپىردەگى جول قوزعالىسى سالتاناتتى تۇردە اشىلدى. قالانى اينالىپ اعا­تىن توبىل وزەنى ۇستىندەگى كوپىر قۇ­رى­لىسى وتكەن جىلى باستال­عان بو­لا­تىن. بۇل ەلباسىنىڭ تاپ­سىر­ما­سىمەن ەلىمىزدەگى 6 حا­لىق­ارالىق كولىك ءدالىزىن قايتا جاڭعىرتۋ جو­باسىنىڭ شەڭبەرىن­دە اتقارىلعان جۇمىستىڭ ءبىرى. ەكونوميكانىڭ  كۇرەتامىرى بو­لىپ سانالاتىن  حالىقارالىق كولىك دالىزىنە استانا – قوستا­ناي – چەليابى باعىتىن­داعى تاسجولدار دا كىرەدى. وسى جول قوس­تا­ناي قالاسىنىڭ  ءوڭتۇس­تىك-با­تىس شەتىن اينالىپ ءوتىپ, جو­لاۋ­شىنى چەليابى, كوكشەتاۋ, استانا, اقتوبە جانە پەتروپاۆل قالا­لارى­نا جەتكىزەدى. كوپ جىلدان بەرى كۇردەلى جوندەلمەگەندىكتەن تو­بىل­دىڭ جىڭىشكە يىنىنە توسەل­گەن قۇبىر ارقىلى وتەتىن جولدى كوك­تەمدە قار سۋى  شايىپ كەتەتىن. سو­نىڭ سالدارىنان جۇك ءجا­نە جولاۋ­شى  تاسىمالدايتىن  كو­لىك­تەر­دىڭ  قاۋىپسىزدىگى دە  قامتا­ما­سىز ەتىلمەي ءجۇردى. توبىل سۋىن وتكىزىپ تۇ­راتىن قۇبىردىڭ دا تو­زى­عى جەتتى.  سۋ شايعان سايىن جول­دىڭ ۇستىڭگى قاباتى بۇزىلىپ, جىل سايىن  ءجون­دەۋ جۇمىستارى ءجۇردى. ال قۇ­رى­لىس كەزىندە قالا ىشىمەن جۇرگەن جۇك كولىكتەرى   جول­دى بۇلدىرۋمەن قاتار, ءجۇر­گىن­شىلەرگە دە  ىڭعاي­سىز­دىق تۋعىزاتىن. وتكەن جىلى باستالعان كوپىر قۇرىلىسى قارقىندى ءجۇردى. ونىڭ ۇزىندىعى  – 313, ەنى 25 مەتر. ءۇس­تىنەن كولىك ەكى باعىتتا جۇرەدى, جاياۋ جۇرگىنشىلەرگە دە جول قال­دى­رىلعان. مۇندا ءۇستى­مىز­دەگى جى­لى عانا 3,5 ميلليارد تەڭگەنىڭ جۇمى­سى يگەرىلىپ, جىل­دىق جوس­پار­دىڭ 82 پايىزى ورىن­­­دالعان. قالعان جۇ­مىس­تار كەلەسى جىلعا قالدىرىلدى. – از ۋاقىتتىڭ ىشىندە بۇل قوس­تاناي وڭىرىندە سالىنعان ءۇشىن­شى  كوپىر. اۋليەكول اۋدا­نىن­داعى جا­ڭا كوپىر اۋدانا­را­لىق كولىك قوز­عالىسىن جاقسارت­تى, قالانىڭ  ەكىن­­شى شەتىندە ور­نالاسقان تو­بىل­­دىڭ تومەنگى اعى­سىنداعى كوپىر ال­دىڭعى جىلى پايدالانۋعا بەرىلدى. مىنە, اينالما جولداعى كولىك قوز­عا­لى­سىنا بۇگىن ءمۇم­كىن­دىك بەرىپ تۇر­عان بۇل نىسان ەلىمىز تاۋەلسىز­دىگىنىڭ 20 جىلدىعى ال­دىن­داعى  ءۇل­كەن سىي بولماق, – دەدى وبلىس اكىمى سەرگەي كۋلاگين. جاڭا قۇ­رى­لىس قۋاتى جاعىنان قازاق­ستان­دا سالىنعان زاماناۋي سەگىز كوپىردىڭ ءبىرى بولادى. ال وسى  شاراعا قاتىسقان كو­لىك جانە كوممۋنيكاتسيا مي­نيسترى­نىڭ ورىنباسارى اسىلبەك دۇيسە­باەۆ بۇل كوپىر حالىق­ارالىق  كو­لىك دالىزدەرىنىڭ جاق­سارۋىنا قو­سىلعان  ۇلكەن ۇلەس ەكە­نىن ايتتى. استانا – قوستاناي – چەليابى باعى­تىنداعى  جول 2013 جىلى تۇگەلى­مەن جاڭا رەڭگە كىرەدى. وسى جوبا­نى  جۇزەگە اسىرىپ جاتقان  «كازاحدورستروي» جاۋاپكەرشىلىگى شەك­تەۋلى  سەرىكتەستىگى ششۋچە في­ليالىنىڭ ديرەكتورى سەرىك ءتو­لەۋباەۆ كوپىر قۇرىلى­سىنىڭ سا­پا­لى اياقتالارىنا سەندىردى. جاڭا كوپىر جول قاتىناسى­نىڭ جاقسارۋىمەن قاتار وزەن سۋى­نىڭ تازالىعىنا دا سەپتىگىن تيگىزەتىن بولادى. ءنازيرا جارىمبەتوۆا. قوستاناي.