وبلىس ورتالىعىنداعى ء«سۇت» اق-نىڭ سارى ماي شىعاراتىن جەلىسى ىسكە قوسىلىپ, ينۆەستيتسيالىق جوبا جۇزەگە استى. كاسىپورىننىڭ ماي شىعارۋعا ارنالعان جوباسى 3 جىل بويى دايىندالىپتى. بىرىنشىدەن, جەرگىلىكتى ءونىمنىڭ وزىمىزدە جاسالىپ شىعۋى جاسالۋى كاسىپورىنعا عانا ەمەس, وڭىردەگى شارۋا قوجالىقتارىنا, وبلىستىڭ الەۋمەتتىك-ەكونوميكالىق دامۋىنا جول اشادى. وڭىردە ماي جاسايتىن ءسۇت جەتەدى. قۇرال-جابدىقتار ساعاتىنا 1 توننا ماي دايىندايدى. ال, «President» مايى ءۇشىن پايدالاناتىن ساپالى ءسۇتتى وڭىردەگى «پوبەدا», «اگرو-دامۋ», «يۆانوۆسكوە» جانە باسقا سەرىكتەستىكتەر بەرە الدى. ماماندار مۇنى ساپاسى جوعارى ءسۇت بولعاندا عانا,كاسىپورىن تولىق قۋاتتىلىقتا جۇمىس ىستەي الادى دەيدى. مەملەكەت تاراپىنان بەرىلەتىن سۋبسيديا ناتيجەسىندە ينۆەستيتسيالىق جوبانى جۇزەگە استى. جالپى, 2007 جىلدان بەرى كومپانياعا تارتىلعان ينۆەستيتسيا كولەمى 12,7 ملرد. تەڭگەنى قۇرادى. ال, «President» مايىن شىعارۋ ءۇشىن 305 ميلليون تەڭگە جۇمسالعان. الداعى ايلاردا پاۆلودار اۋدانىنىڭ كيروۆ اۋىلىندا جاڭا فەرما اشىلماق. كاسىپورىن ەندى جىلىنا 400 توننا ماي شىعاراتىن بولادى.
فاريدا بىقاي,
«ەگەمەن قازاقستان»
پاۆلودار
