2018 جىلدىڭ ناۋرىزىندا جاڭعىزتوبە اۋىلىندا قۋاتى 30 مۆت بولاتىن كۇن ەلەكتر ستانساسىنىڭ قۇرىلىسى باستالادى. ديەگو لۋازەستىڭ سوزىنە قاراعاندا, شىعىس قازاقستان جاقسى كۇن ينستاللياتسياسى مەن «شق وەك» جەلىلەرىنەن ەنەرگيا تارتۋ مۇمكىندىگى جوعارى بولعاندىقتان مەيلىنشە قولايلى ءوڭىر رەتىندە تاڭدالىپ وتىر. «جوبا قۇنى شامامەن 43 ميلليون اقش دوللارى. قازىر ينۆەستيتسيا تارتۋ ماسەلەلەرى قاراستىرىلۋدا. ەڭ الدىمەن, ول ARESOL كومپانياسىنىڭ ءوزى بولادى», - دەيدى كومپانيا باسشىسى.
وبلىس اكىمى دانيال احمەتوۆ بۇل يدەياعا قولداۋ ءبىلدىرىپ, ونى جۇزەگە اسىرۋدىڭ جول كارتاسىن ازىرلەۋدى سۇرادى. الداعى ۋاقىتتا جوبا ءداستۇرلى ەلەكترمەن قامتاماسىز ەتۋ جۇيەسىمەن بىرگە بالامالى ەنەرگيا كوزىن دە تۇتىنۋ مۇمكىندىگىن بەرەدى. جوسپار بويىنشا, كۇن ەلەكتر ستانساسى شامامەن 11 مىڭ ءۇيدى ەلەكترمەن قامتىپ, اتموسفەراعا شىعارىلاتىن كومىرقىشقىل گازىن 15 تونناعا ازايتادى.
