ول العاشقىدا تەرىس نيەتتى توپتىڭ قۇرامىندا ناسىلدىك, ءدىني دۇشپاندىق پەن ارازدىقتى قوزدىرۋعا باعىتتالعان, الدىن الا ويلاستىرىپ جاساعان ءىس-ارەكەتى ءۇشىن ءىستى بولسا, كەيىن ازاماتتاردىڭ ءوز مىندەتتەرىن ورىنداۋدان باس تارتۋىنا جانە وزگە دە زاڭعا قايشى ءىس-ارەكەتتەردى جاساۋعا يتەرمەلەيتىن ءدىني بىرلەستىكتەردىڭ ىسىنە بەلسەنە قاتىسقانى ءۇشىن سوتتالدى. الايدا وسىنداي قىلمىستىق توپ باسشىلارى 2007 جىلى قىلمىستىق بىرلەستىكتى قۇرعانى جانە ونىڭ ىسىنە قاتىسقانى ءۇشىن ۇزاق مەرزىمگە باس بوستاندىعىنان ايىرىلعانىنا قاراماستان, ر.گيلمانوۆ جازاسىن وتەگەننەن كەيىن اتالعان ۇيىمنىڭ جۇمىسىنا قاتىسۋىن ودان ءارى جالعاستىرىپ قانا قويماي, 2008 جىلى وسىنداي تەرىس نيەتتەگى ءدىني ۇيىمدى اشىپ, وعان قاراعاندى قالاسىنىڭ بىرنەشە تۇرعىنىن تارتىپ, جالعا العان ەكى پاتەردە ولارمەن «حيزب-ۋت-تاحرير-ءال-يسلام» پارتياسىنىڭ يدەولوگياسى مەن ماقساتتارىن وقىتاتىن ساباقتار وتكىزگەن.
ال «حيزب-ۋت-تاحرير-ءال-يسلام» حالىقارالىق ۇيىمى 2005 جىلى استانا قالاسى سوتىنىڭ شەشىمىمەن ەسكترەميستىك دەپ تانىلىپ, قازاقستان رەسپۋبليكاسىنىڭ اۋماعىندا ونىڭ قىزمەتىنە تىيىم سالىندى جانە ەلدىڭ ادىلەت ورگاندارىندا ول تىركەلمەدى. «حيزب-ۋت-تاحرير-ءال-يسلام» حالىقارالىق-ءدىني ەكسترەميستىك پارتياسىنىڭ نەگىزگى ماقساتى مۇسىلمان ەلدەرىندە كونستيتۋتسيالىق وكىمەت پەن جۇمىس ىستەپ تۇرعان قۇرىلىمنىڭ ورنىنا باسىندا بىرەگەي باسقارۋشى – حاليفا تۇراتىن مەملەكەتتىك قۇرىلىمنىڭ يسلامدىق جۇيەسىن ورناتۋمەن بىرەگەي بۇكىلالەمدىك «حاليفات» مەملەكەتىن قايتا قۇرۋ جانە ورناتۋ بولىپ تابىلادى. ونىڭ جارعىسىندا وسى ەكسترەميستىك ۇيىمنىڭ ماقساتتارى مەن ادىستەرى, باعدارلاماسى مەن قۇرىلىمى انىقتالىپ, مۇشەلەرىنىڭ مىناداي مازمۇنداعى انتى جازىلعان: «جاراتۋشى اللانىڭ اتىنان يسلامنىڭ سەنىمدى ءارى شىنايى قورعاۋشىسى بولۋعا, وسى «حيزب-ۋت-تاحرير-ءال-يسلام» پارتياسىنىڭ يدەيالارى مەن مىندەتتەمەلەرىن ورىنداۋعا انت بەرەمىن. وسى پارتيا قاتارىندا بولعان كەزدە بارلىق كۇش-جىگەرىمدى ونىڭ ماقساتتارىنا جەتۋ جولىنا جۇمسايمىن جانە ءوز ءسوزىمدى اسا ۇلى اللانىڭ اتىمەن بەكىتەمىن».
كونستيتۋتسيالىق قۇرىلىمدى وزگەرتۋگە جانە مەملەكەتتىڭ اۋماقتىق تۇتاستىعىنا ىرىتكى سالۋعا شاقىراتىن, ءىس جۇزىندە ۇلتتىق جانە ءدىني الاۋىزدىقتى بارىنشا ۋشىقتىراتىن بۇل كەسىرلى ۇيىمعا قازاقستان رەسپۋبليكاسىندا تىيىم سالىنعانىن انىق بىلە تۇرا, رۋستام گيلمانوۆ وعان كىرىپ, ونىڭ ماقساتىنا ادال بولۋعا انت بەرىپ, ونىڭ قىزمەتىنە بەلسەنە ارالاسقان جانە ەكسترەميستىك ءىس-ارەكەتكە وزگە ادامداردى تارتقان. سونىمەن بىرگە ول ءدىني جانە ۇلتتىق الاۋىزدىقتى قاساقانا ورشىتە وتىرىپ, ءبىر ءدىندى ەكىنشىسىنەن ارتىق ساناعان جالعان دەرەكتەردى اشىق تۇردە تاراتقان, قازىرگى كونستيتۋتسيالىق قۇرىلىم مەن ەلدىڭ اۋماقتىق تۇتاستىعىنا قاستاندىق جاساۋ نيەتىمەن قازاقستان رەسپۋبليكاسىنىڭ اۋماعىندا يسلامدىق «حاليفات» مەملەكەتىن قۇرۋ يدەياسىن ۇنەمى ناسيحاتتاعان.
ر.گيلمانوۆ ەكى رەت ءوزىنىڭ ۇيالى تەلەفونىمەن ينتەرنەتكە شىعىپ, جەكە پاراقشاسىندا بارشانىڭ اشىق قاراۋى ءۇشىن ۇلتتىق دۇشپاندىق پەن ارازدىقتى قوزدىراتىن بەينەماتەريال ورنالاستىرعان. بۇل قازاقستان رەسپۋبليكاسى قىلمىستىق كودەكسىنىڭ 174-بابىنىڭ 1-بولىگىنە سايكەس بەيبىتشىلىك پەن ادامزاتتىڭ قاۋىپسىزدىگىنە قارسى جاسالعان اۋىر قىلمىس ساناتىنا جاتادى.
سەرىك ساتىبالدين,
قازاقستان جۋرناليستەر وداعىنىڭ مۇشەسى
