«قازاقستان تاۋەلسىزدىگى جانە ەلباسى» اشىق شىعارماشىلىق كونكۋرسى جاريالاندى

كونكۋرستىڭ تاقىرىبى «قازاقستان رەسپۋبليكاسى تۇڭعىش پرەزيدەنتى – ەلباسىنىڭ كىتاپحاناسى» مەملەكەتتىك مەكەمەسى جانە قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورىنىڭ بىرلەسكەن بۇيرىعىمەن جىل سايىن بەكىتىلەدى.

كونكۋرستىڭ ماقساتى مەن مىندەتتەرى:

-    قازاقستاندىق مەملەكەتتىلىكتىڭ نەگىزى رەتىندەگى «نازارباەۆ مودەلىن»,ەلباسىنىڭ يدەيالارى مەن باستامالارىن دارىپتەۋ;

-    ەلىمىزدىڭ تاۋەلسىزدىك جىلدارىنداعى جەتكەن جەتىستىكتەرىن اقپاراتتىق-يميدجدىك تۇرعىدا جاريا ەتۋ;

-    باسپا جانە ەلەكتروندىق باق قىزمەتكەرلەرىنىڭ ءوزىن-ءوزى شىعارماشىلىق تۇرعىدان دامىتۋى مەن كاسىبي ءوسۋى ءۇشىن  مورالدىق جانە ماتەريالدىق ىنتالاندىرۋ;

-    جۋرناليستىك قوعامداستىقتا كەلەشەگى بار جاڭا ەسىمدەردى انىقتاۋ;

-    ەلباسى كىتاپحاناسىنىڭ مۇراعات, كىتاپحانا جانە ەكسپوزيتسيا قورىنداعى ماتەريالداردى مەديا اينالىمعا ەنگىزۋ.

كونكۋرس مىنا نوميناتسيالار بويىنشا وتكىزىلەدى:

1) «ۇزدىك تەلەۆيزيالىق ماتەريال»(جاڭالىق بەينەسيۋجەتى, تەلەوچەرك, تالدامالىق شولۋ, ارنايى رەپورتاج, سۇحبات, پىكىر ءبىلدىرۋ, دەرەكتى فيلم);

2) «ۇزدىك راديوماتەريال»(راديوباعدارلاما, راديوشولۋ, راديووچەرك, راديوقويىلىم, تالدامالىق شولۋ, سۇحبات);

3) «گازەتتەر مەن جۋرنالدارداعى ۇزدىك ماقالا»(ماقالا, وچەرك, ەسسە, تالدامالىق شولۋ, رەپورتاج, سۇحبات);

4) «عالامتور-باق-تاعى ۇزدىك جاريالانىم»(اقپاراتتىق حابارلاما, تالدامالىق شولۋ, رەپورتاج, سۇحبات, شولۋ, ەسسە, وچەرك, رەتسەنزيا).

كونكۋرستىڭ وتكىزىلۋى تۋرالى بارلىق اقپارات ۇيىمداس­تىرۋشىلاردىڭ  www.presidentlibrary.kz, http://www.presidentfoundation.kzسايتتارىندا جاريالانادى. قاتىسۋشىلاردى اقپاراتتىق جانە تەحنيكالىق قولداۋ ماقساتىندا كىتاپحانانىڭ www.presidentlibrary.kz سايتىندا جانە YouTUBE پورتالىندا (ارنا: قر تۇڭعىش پرەزيدەنتىنىڭ كىتاپحاناسى) ەلباسىنىڭ كىتاپحاناسىنداعى قۇجاتتار مەن ەكسپوناتتار تۋرالى بەينەماتەريالدار ورنالاستىرىلعان.

جۇلدەلى ورىنداردى يەلەنگەن كونكۋرسانتتارعا ارنايى توسبەلگىلەر, ديپلومدار, كۋالىكتەر, اقشالاي سەرتيفيكاتتار مەن اقشالاي سىياقىلار بەرىلەدى. كونكۋرس قورىتىندىسىن كونكۋرستىق كوميسسيا شىعارادى. كونكۋرس وتىنىمدەرى 2017 جىلعى 1 ماۋسىم مەن 10 قازانعا دەيىن قابىلدانادى. كونكۋرستىق جۇمىستاردى ىرىكتەۋ جانە قورىتىندىلاۋ 2017 جىلعى 25 قاراشاعا دەيىن وتكىزىلەدى.