اسكەري ءبولىمنىڭ قىزمەتكەرلەرى كەشكى سپورتتىق جۇگىرۋدەن سوڭ وزدەرىنىڭ اسكەري بولىمشەلەرىنە قاراي جول جيەگىمەن كەلە جاتقان كەزدە, «تويوتا لەند كرۋزەر» اۆتوكولىگى قىزمەتكەردىڭ ءبىرىن قاعىپ كەتپەك بولعان. اسكەري قىزمەتكەرلەر اسكەري ءبولىمنىڭ اۋماعىنا كىرگەن كەزدە بىرنەشە كولىكپەن كەلگەن اۋىل تۇرعىندارى جاساق اۋماعىنا كىرۋگە تىرىسقان. سول ۋاقىتتا اۆتوماتتان جوعارىعا وق اتىلىپ, اسكەري ءبولىمنىڭ الدىنا ادامدار توبى جينالعان. اۋىل تۇرعىنى س.ا. قوعامدىق ورىندا قۇقىق قورعاۋ ورگانى وكىلدەرىن بالاعاتتاعان. اۋداندىق سوتتىڭ قاۋلىسىمەن س.ا. قازاقستان رەسپۋبليكاسىنىڭ اقبتك-ءنىڭ 434-بابىنىڭ 1-بولىگىمەن كىنالى دەپ تانىلىپ, 5 تاۋلىككە اكىمشىلىك قاماققا الىندى.
اتىراۋ وبلىسى يساتاي اۋدانىنداعى جانباي اۋىلى – كاسپي تەڭىزىنىڭ جاعاسىندا ورنالاسقان. زاڭسىز بالىق اۋلاۋشىلار كوپ تىركەلەتىن اۋىلدا بۇعان دەيىن دە شەكاراشىلارمەن قاقتىعىستار بولعان ەدى.
باقىتگۇل باباش,
«ەگەمەن قازاقستان»
اتىراۋ
