جالپى, سارايداعى قولونەر, سۋرەت ۇيىرمەسىن داۋىربەك جاقسىلىققىزى بىرنەشە جىلدار بويى باسقارىپ كەلەدى. داۋىربەك اپايدىڭ شاكىرتتەرى كورمەدە وزدەرى جاساعان گوبەلەنمەن تىگۋ, جۇننەن جاسالعان بۇيىمدار, شي تەحنيكاسىندا ورىندالعان جۇمىستار, ۇلتتىق ويىنشىقتارىن كورسەتتى. 
وقۋشىلار سارايىندا «سىرماق» قول ونەر ۇيىرمەسى جۇمىس جاساۋدا. ۇمىتىلىپ بارا جاتقان ۇلتتىق قولدانبالى قول ونەرىمىزدى جاڭعىرتۋ, جاس ۇرپاققا ۇيرەتۋ ماقساتىندا: شي توقۋ, شي وراۋ, ءجۇندى ءتۇتۋ, ءيىرۋ, قۇراق قۇراۋ, كەستە تىگۋ, ويۋ –ورنەكتى ويۋ تاسىلدەرى جانە الاشا توقۋ جۇزەگە اسىرىلۋدا.
كۇنتىزبەلىك باعدارلاما بالالاردىڭ جاس ەرەكشەلىگى جانە نەشىنشى جىل ۇيىرمەدە وقيتىنى ەسكەرىلىپ جاسالىنادى, ساباق جوسپار بويىنشا وتكىزىلەدى. بالالاردىڭ جۇمىستارى قالالىق, وبلىستىق, رەسپۋبليكالىق, حالىقارالىق كورمەلەرگە بىرنەشە رەت قاتىسىپ, جۇلدەلى ورىنداردى الدى.
سارايدىڭ «دەكور» شىعارماشىلىق ستۋدياسىنىڭ جەتەكشىسى ەلەنا ميرزويان دا فواميراننان جاسالعان بۇيىمدار, كارتينالار, بيسەردەن ورىلگەن بۇيىمدار جاساپتى.
جانە دە «سىمبات» جانە «پاليترا» بەينەلەۋ ستۋديالارىنىڭ شاكىرتتەرى دە جەتكەشىلەرى - ەلەنا كاركاۆينا جانە ۆاسەلينا دميتريەۆامەن بىرلەسىپ تۋش, اكۆارەل, گۋاش, قارىنداش, فلوماستەر, ءتۇرلى-ءتۇستى ساز بالشىقپەن يلەۋ, قاۋىرسىنمەن بوياپ ءتۇرلى سۋرتتەر سالىپتى.
سارايدا وقۋشىلاردىڭ ساباقتان بوس ۋاقىتتارىندا كەلىپ, ۇيىرمەلەردە وزدەرى قالاعان شىعارماشىلىقپەن اينالىسۋىنا جاعداي جاسالعان.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن اسەم ايىپوۆا
