يندونەزيا دەلەگاتسياسىمەن جۇزدەسۋ

كەشە قازاقستان رەسپۋبليكاسى كونستيتۋتسيالىق كەڭەسىنىڭ ءتور­اعاسى ي.روگوۆتىڭ جانە جوعارعى سوتىنىڭ توراعاسى ب.بەك­نا­زا­روۆ­تىڭ يندونەزيا رەسپۋبليكاسى كونستيتۋتسيالىق سوتىنىڭ ءتور­اعاسى م.ماحفۋد باستاعان دەلەگاتسيامەن كەزدەسۋى ءوتتى. كەزدەسۋدى اشا كەلە, ي.روگوۆ بۇگىنگى تاڭدا قازاقستان مەن ين­دونەزيانىڭ ءوزارا قارىم-قاتى­ناس­­تارى اسا قارقىندى دامىپ وت­ىرعانىن اتاپ ءوتتى. ءومىردىڭ بار­لىق سالالارىنداعى جەتىستىكتەرى ارقىلى يندونەزيا ءوزىن جالپى ادامي قۇندىلىقتارعا مويىن بۇرعان دەموكراتيالىق, قۇقىقتىق مەملەكەت رەتىندە تانىتادى. ي.روگوۆتىڭ پىكىرىنشە, كونستيتۋ­تسيا­نىڭ ۇستەمدىگىن قامتاماسىز ەتۋ ماسەلەلەرىندە قازاقستان مەن يندونەزيانىڭ كونستيتۋتسيالىق باقىلاۋ ورگاندارى جەمىستى ىن­تىماقتاسىپ كەلەدى. يندونەزيا­نىڭ كونستيتۋتسيالىق سوتى بۇل ماسەلەلەر بويىنشا ينتەگراتسيا­لىق ۇدەرىستەردى ازيا قۇرلىعىندا كۇشەيتە تۇسۋگە باستاما جاساۋ­شىلاردىڭ ءبىرى بولىپ تابىلادى. يندونەزيانىڭ كونستيتۋتسيالىق سوتى 2010 جىلى ۇيىمداستىرعان ازيا ەلدەرى كونستيتۋتسيالىق سوت­تارى سۋديالارىنىڭ 7-ءشى كونفە­رەنتسياسىنىڭ قورىتىندىسى بوي­ىنشا دجاكارتا قالاسىندا ازيا ەلدەرى كونستيتۋتسيالىق سوتتارى مەن بالاما ينستيتۋتتارىنىڭ قاۋىمداستىعى قۇرىلدى. اتالعان ءىس-شاراعا قازاقستان رەسپۋب­لي­كا­سى كونستيتۋتسيالىق كەڭەسىنىڭ دەلەگاتسياسى دا قاتىستى. ي.روگوۆ مەيماندى قازاقستان­نىڭ وسىنداي حالىقارالىق قۇرى­لىمداردىڭ جۇمىسىنا بەلسەنە قاتىسۋعا نيەتتى ەكەندىگىنەن حاباردار ەتتى. بۇل ۇدەرىس باستالىپ تا كەتتى. وسىدان بىرنەشە كۇن بۇرىن استانا قالاسىندا رەسمي ساپارمەن بولىپ قايتقان ەۋروپا كەڭەسىنىڭ باس حاتشىسى تۋربورن ياگلاندقا ەۋروپا كەڭەسىنىڭ قۇ­قىق ارقىلى دەموكراتيا ءۇشىن ەۋروپا كوميسسياسىنا (ۆەنەتسيالىق كوميسسياعا) مۇشەلىككە ءوتۋ تۋ­رالى قازاقستاننىڭ ءوتىنىشى تابىس ەتىلدى. بۇل ۇيىم كونستيتۋتسيالىق زاڭدىلىقتى قامتاماسىز ەتۋ ءما­سەلەلەرى بويىنشا مەملەكەتتەر­دىڭ ىنتىماقتاسۋى سالاسىنداعى بەدەلدى حالىقارالىق ورگان بو­لىپ تابىلادى. قازاقستان تاياۋ بولاشاقتا كونستيتۋتسيالىق سوت تورەلىگى ءجو­نىندەگى بۇكىلالەمدىك كونفەرەن­تسيا­نىڭ جانە ازيا ەلدەرىنىڭ كونس­تيتۋتسيالىق سوتتارى مەن با­لامالى ينستيتۋتتارى قاۋىمداس­تىعىنىڭ مۇشەسى بولماق. بۇل ساپار شەڭبەرىندە سونداي-اق پارلامەنتتىڭ جانە باس پرو­كۋ­راتۋرانىڭ باسشىلىعىمەن كەزدەسۋلەر وتكىزۋ جوسپارلانعان, سول ار­قى­لى قۇقىق سالاسىنداعى ىن­تىماق­تاستىعىمىزدىڭ اۋقىمى كە­ڭەيە تۇسەدى, دەپ تۇيىندەدى ءسوزىن ي.روگوۆ. ب.بەكنازاروۆ قازاقستاننىڭ سوت جۇيەسى جانە ونى مودەرنيزاتسيالاۋ بويىنشا قولعا الىنىپ جاتقان شارالار تۋرالى اڭگىمەلەپ بەرسە, م.ماحفۋد ءوز تاراپىنان ارادا قالىپتاسقان قارىم-قاتى­ناس­تار­دى نىعايتۋعا جانە دامىتا تۇسۋگە مۇددەلى ەكەندىگىن ءبىلدىردى. ونىڭ پىكىرىنشە, قازاقستان ەك­و­نومي­كا­سى ورلەۋ ۇستىندە, سەنىمدى قۇقىق­تىق جۇيەسى جانە ءتيىمدى كونس­تيتۋتسيالىق باقىلاۋ ۇلگىسى بار مەملەكەت. كەزدەسۋدەن سوڭ قوناقتار قا­زاقستاننىڭ قۇقىق تاريحى مۇرا­جايىن ارالاپ, قازاقستان قۇقى­عى­نىڭ دامۋ تاريحىنا قاتىستى ەكس­پوناتتارمەن جانە تۇپنۇسقا قۇ­جات­تارمەن تانىستى, دەپ حابارلا­دى قازاقستان رەسپۋبليكاسى كونس­تيتۋتسيالىق كەڭەسىنىڭ باس­پاسوز قىزمەتى.