اۋىلداردى ينتەرنەتپەن قامتاماسىز ەتۋ جوباسىن ىسكە اسىرۋ كەزىندە رەسپۋبليكالىق بيۋدجەتكە بىرجولعى جۇكتەمەسىز مەملەكەتتىك-جەكەمەنشىك ارىپتەستىك قاعيداسىن پايدالانۋ تۋرالى شەشىم قابىلدانعان. بۇل ءۇشىن سەرۆيستىك كەلىسىمشارت مودەلى – ۇزاقمەرزىمدى قىزمەتتى ساتىپ الۋ تاڭدالعان. مۇنداعى مەملەكەتتىك قولداۋ شاراسى – تۇتىنۋدىڭ ۇزاقمەرزىمدى كەپىلدەمەسى بولماق.
كونكۋرستى جەڭىپ العان ينۆەستور ءۇش جىل ىشىندە توقسان سايىن جەلىلەردى ىسكە قوسادى جانە 1 800-گە جۋىق اۋىلدى جەلىمەن قامتاماسىز ەتەدى, ال مەملەكەت 14 جىل ىشىندە قىزمەتتەردىڭ كەپىلدەندىرىلگەن ساتىپ الۋىن قامتاماسىز ەتەدى دەپ بولجانعان.
ەسكە سالساق, بۇگىن پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا اۋىلدىق ەلدى مەكەندەردى كەڭ جولاقتى ينتەرنەت جەلىسىنە قوسۋدى قامتاماسىز ەتۋ جوباسى تالقىلانعان بولاتىن.
دينارا بىتىك,
«ەگەمەن قازاقستان»
