فورۋمنىڭ ماقساتى – ءىس-شارا قوناقتارى مەن كاسىپكەرلەردى باتىس قازاقستاننىڭ ەكونوميكالىق جەتىستىكتەرىمەن, ينۆەستيتسيالىق الەۋەتىمەن جانە ناقتى ينۆەستيتسيالىق جوبالارىمەن تانىستىرۋ. بۇل الاڭ باتىس قازاقستان وبلىسىنىڭ كومپانيالارى مەن ءوز بيزنەسىن كەڭەيتىپ جانە جاڭا نارىقتارعا شىعۋعا نيەتتى شەتەلدىك كومپانيالار اراسىندا ءوزارا ءتيىمدى سەرىكتەستىكتى قۇرۋ ءۇشىن ۇيىمداستىرىلعان. مۇندا فورۋم قاتىسۋشىلارىنا بىرىككەن كاسىپورىنداردى قۇرۋ جانە ءوز مۇمكىندىكتەرىن پرەزەنتاتسيالاۋ ءۇشىن جەرگىلىكتى كومپانيالاردى تابۋ جانە تانىسۋ مۇمكىندىگىن ۇسىنادى.
فورۋم اياسىندا «قازاقستان-رەسەي. وڭىرلەردىڭ شەكارالىق سەرىكتەستىگى» اتتى كورمە ۇيىمداستىرىلىپ, «مۇناي گاز سەكتورى – ونەركاسىپتى دامىتۋ درايۆەرى», «اگروونەركاسىپتىك كەشەن: دامۋ. وڭدەۋ. ەكسپورت» جانە «بيزنەستىڭ دامۋ ينستيتۋتتارى مەن حالىقارالىق قارجى ۇيىمدارىنا قولداۋ كورسەتۋ قۇرالدارى» ماسەلەلەرىنە ارنالعان ءۇش پانەلدىك سەسسيا جۇرگىزىلەتىن بولادى. سونداي-اق فورۋم الاڭىندا باتىس قازاقستان جانە ورىنبور وبلىستارى كاسىپكەر ايەلدەرىنىڭ كەزدەسۋى جانە ورالدىڭ ساۋدا جەلىلەرى وكىلدەرى مەن اۋىلشارۋاشىلىق وندىرۋشىلەرى جانە وڭدەۋشىلەرى ىسكەرلىك كەزدەسۋلەر وتكىزەدى. فورۋم الاڭدارىندا دەنساۋلىق ساقتاۋ, مەنەدجمەنتتىڭ بىرىكتىرىلگەن جۇيەلەرى, ولاردى بىرىڭعاي ەۋروپالىق ەكونوميكالىق كەڭەستىكتە قولدانۋ ماسەلەلەرى بويىنشا دوڭگەلەك ۇستەلدەر ۇيىمداستىرىلاتىن بولادى.
قازبەك قۇتتىمۇرات ۇلى
«ەگەمەن قازاقستان»
