وتىرىستا داۋرەن اباەۆ «تسيفرلىق قازاقستان» مەملەكەتتىك باعدارلاماسى اياسىندا ازاماتتاردى جوعارى جىلدامدىقتى ينتەرنەتپەن قامتاماسىز ەتۋ جانە اۋىل مەن قالا اراسىنداعى تسيفرلىق الشاقتىقتى قىسقارتۋ بويىنشا باعىت قاراستىرىلعانىن باياندادى.
«قۇرمەتتى باقىتجان ءابدىر ۇلى, ءسىزدىڭ تاپسىرماڭىزعا ساي مينيسترلىك بولاشاعى بار 1700-گە جۋىق اۋىلدىق ەلدى مەكەنگە تالشىقتى-وپتيكالىق بايلانىس جەلىسىن تارتۋ جۇمىسىن قولعا الۋدا. ياعني, بۇل 2 ميللوننان استام تۇرعىن ساپالى ينتەرنەتكە قول جەتكىزەدى دەگەن ءسوز. جوبادا قامتىلاتىن اۋىلداردىڭ ءتىزىمى ۇلتتىق ەكونوميكا مينيسترلىگىمەن بىرلەسە وتىرىپ, انىقتالۋدا. جالپى بۇل جوبا 2018-2020 جىلدار ارالىعىندا جۇزەگە اسىرىلادى دەپ جوسپارلانىپ وتىر», - دەدى ول.
جوبا ەلەكتروندى ساۋدامەن قامتۋدى, ەلەكتروندى ۇكىمەتتىڭ قىزمەت كورسەتۋلەرىن, ينتەراكتيۆتى ءبىلىم بەرۋ, دەنساۋلىق ساقتاۋ قۇرالدارىن كەڭەيتۋ ەسەبىنەن ەداۋىر الەۋمەتتىك-ەكونوميكالىق اسەرگە يە بولادى دەپ بولجانىپ وتىر.
بۇگىنگى تاڭدا 122 قالانىڭ بارلىعى جانە 1 200-گە جۋىق اۋىلدىق ەلدى مەكەن ينتەرنەت جەلىسىنە جوعارى جىلدامدىقتى قولجەتىمدىلىككە يە. ودان كەيىن مينيسترلىك جالپى حالقى 2 ملن استام ادام بولاتىن 1 800 اۋىلعا بايلانىس جەلىسىن تارتۋدى جوسپارلاپ وتىر.
ناتيجەسىندە, 2021 جىلعا دەيىن ۇزىندىعى 24 000 كم بولاتىن تالشىقتى-وپتيكالىق بايلانىس جەلىلەرى تارتىلادى. بۇل جەرگىلىكتى اتقارۋشى ورگانداردى جانە مەملەكەتتىك ورگانداردىڭ قۇرىلىمدىق بولىمشەلەرىن ينتەرنەتكە قوسۋدى قامتاماسىز ەتۋگە مۇمكىندىك بەرەدى.
جوبانى 13 جىلدىڭ ىشىندە (2018-2030 جج.) مەملەكەتتىك ورگانداردىڭ بايلانىس قىزمەت كورسەتۋلەرىن كەپىلدىكتى پايدالانۋدى قامتاماسىز ەتۋمەن مەملەكەتتىك-جەكەشەلىك ارىپتەستىك سىزباسى بويىنشا ىسكە اسىرۋ جوسپارلانعان.
ناتيجەسىندە ينتەرنەتكە قولجەتىمدىلىكتىڭ سەكۋندىنا 20 مەگابيتكە دەيىن جىلدامدىعىن قامتاماسىز ەتۋ جوسپارلانعان, سونداي-اق دەنساۋلىق ساقتاۋ جانە جەرگىلىكتى مەملەكەتتىك ورگانداردىڭ مەكەمەلەرىندە شامامەن 2000 مەكتەپ پەن 1 200 نۇكتەنى قوسۋ جوسپارلانعان.
اكم جوباسىن ىسكە اسىرۋ ءۇشىن ءىس-شارالاردى جانە ولاردى ورىنداۋ مەرزىمدەرىن كورسەتە وتىرىپ, جول كارتاسى ازىرلەندى جانە بەكىتىلدى. بايلانىس وپەراتورلارى تاراپىنان جەكەمەنشىك سەرىكتەستەردى انىقتاۋ بويىنشا بايقاۋ وتكىزۋ ءۇشىن قۇجاتتاما ازىرلەۋ جۇمىستارى باستالدى.
ۇسىنىلعان جوبانى ىسكە اسىرۋ 2018-2020 جىلدارعا جوسپارلانعان.
