ال KazEqui-2017 شوۋىن ۇيىمداستىرۋشىلاردىڭ دا بۇل جەردە ۇتارى مول. ولار قانىمىزدا بار ءۇردىس – جىلقى ۇستاۋدى سانگە اينالدىرىپ, كيەلى جانۋارعا دەگەن قۇرمەتتى ارتتىرۋدى مۇرات تۇتادى.
جانە وسى وقيعاعا ەكىنشى جىل قاتارىنان ۇيىتقى بولىپ جۇرگەن Chamberlain ەلىمىزدە عانا ەمەس, ورتا ازيادا جىلقىلارمەن «جۇمساق ادىسپەن» (NaturalHorsemanship) جۇمىس ىستەيتىن جالعىز ات كلۋبى سانالادى. جىلقىلاردىڭ پسيحولوگياسى مەن فيزيولوگياسىنا نەگىزدەلگەن بۇل ادىسپەن اتتار ۇيرەتىلگەن كەزدە ولار تاعالانبايدى, ۇرىپ-سوعىلمايدى. جانە كلۋبتىڭ اينالاسىندا تابيعي جايىلىم, اتتار شومىلاتىن باسسەين بار.
KazEqui-2017 كورمەسىنىڭ كوزدەگەنى – ات تا ادامنىڭ سان عاسىرلار بويعى دوسى – مىنسە كولىگى, شاپسا جۇيرىگى, جاۋعا اتتانعاندا سەرىگى ەكەنىن دالەلدەۋ.
راسىندا بۇل جەردە جىلقى ادامنىڭ سەرىگى ەكەنىن سەزىنۋ قيىن ەمەس. ول از بولسا, اتا-بابالارىمىز دا جىلقى ادامدى ەمدەيتىنىن بىلگەن عوي. اتتىڭ ۇستىندە جۇرگەن ادامعا كەسەل جولامايتىنىن بايقاعان.
ەندى وسى زاماننىڭ ادامدارى ۇمىت بولا باستاعان ۇردىسكە قايتا ورالا باستادى. كەيبىر ەلدەردە قولعا ۇيرەتىلگەن اتتارمەن رەابيليتاتسيالىق, پسيحولوگيالىق جانە باسقا دا ساۋىقتىرۋ شارالارىن جۇرگىزەدى. بالالاردىڭ بويىنداعى تۋا ءبىتتى كەسەلدەردىڭ بىرقاتارىن HorseDream ادىسىمەن ەمدەلەدى.
قازىر الماتىداعى اتالمىش ات كلۋبىندا دا قاجەت بولعان جاعدايدا وسىنداي ەكۆيتەراپيا ءادىسى ارقىلى (يپپوتەراپيا) ادامدار جىلقىمەن ەمدەلەدى. مۇندا جازدا اتتاردى جاقسى كورەتىن بالالارعا ارنالعان جازدىق لاگەرلەر ۇيىمداستىرىلادى. تىزە بەرسەڭ قىزىعى كوپ.
ەڭ باستىسى, بيىل KazEqui-2017 حالىقارالىق كورمەسىنىڭ اياسىندا ەجەلگى تۇركىلەر مەن ءۇندىس اڭىزدارىنا نەگىزدەلگەن ساحنالاندىرىلعان قويىلىمدار ءجۇردى. باس رولدەردە اتتار مەن اتبەگىلەر ويناعان «سپەكتاكلدەرگە» رەسەيدەن كەلگەن اتتارمەن ەركىن NaturalHorsemanship ادىسىمەن جۇمىس ىستەيتىن الەكسەي بەركوۆ رەجيسسەرلىك ەتتى.
سونىمەن اتتاردىڭ جارىسىنا يرينا ستيگلەر (يتاليا), يان كاليس (گوللانديا), يگور بوچكاريوۆ (رەسەي), نۇرلان تىلەۋلەسوۆ (قازاقستان) سىندى بەلگىلى اتبەگىلەر قازىلىق ەتتى.
جيىندا ەڭ كىشكەنتاي پوني دە كورسەتىلدى. «گۋليۆەر» اتتى ءپونيدىڭ قازىرگى ۋاقىتتاعى بويى بار-جوعى 45 سانتيمەتر.
بيىلعى «KazEqui-2017» جىلقىلار كورمەسىنە شانحاي ىنتىماقتاستىعى ۇيىمىنىڭ ىسكەرلىك كەڭەسى مەن قازاقستان حالقى اسسامبلەياسى, ەۋرازيا ايەلدەرىنىڭ اليانسى قولداۋ ءبىلدىردى.
ءۇش كۇنگە سوزىلعان ءارى كورمە, ءارى جارمەڭكە, ءارى سۇلۋ اتتاردىڭ شەرۋىندە جەڭىمپاز تازا تۇقىمدى اراب جىلقىسىنىڭ ق ۇلىنىنا قول جەتكىزدى.
ايناش ەسالي,
«ەگەمەن قازاقستان»
الماتى
