اتالعان شارانى «قازمۇنايگاز» اق HR-بلوگى ۇيىمداستىردى. نەگىزگى ماقسات –ترانسفورماتسيا بارىسىندا ۇيىمدىق قۇرىلىمدا بولىپ جاتقان وزگەرىستەر تۋرالى كومپانيا قىزمەتكەرلەرىن حاباردار ەتۋ, Job Matching جوباسىنىڭ مازمۇنىن ءتۇسىندىرۋ.
جيىندا «قازمۇنايگاز» ۇك» اق باسقارما توراعاسى ساۋات مىڭباەۆ جانە ادامي رەسۋرستاردى باسقارۋ جونىندەگى ۆيتسە-پرەزيدەنت سەرىك ابدەنوۆ ءسوز سويلەدى. باسشىلاردىڭ مالىمدەۋىنشە, قازىرگى تاڭدا كومپانيا الەمدىك تالاپتارعا ساي, زاماناۋي وزگەرىستەردى قابىلداۋ ۇدەرىسىندە ماڭىزدى شەشىمدەردى قابىلداۋدا. ماسەلەن, كومپانيا جاڭا ءىرو-عا شىعۋعا دايىندالۋدا, سونداي-اق ادامي رەسۋرستاردى باسقارۋدىڭ جاڭا مودەلىن ەنگىزىپ, ۇدەرىستەردىڭ بولىگىن (HR, ءىت, بۋحگالتەريا, قازىناشىلىق) جالپى قىزمەت كورسەتۋ ورتالىعىنا شىعارماق. ال اتالعان ۇدەرىستەر ءتۇرلى دەڭگەيدەگى لاۋازىمدارعا قويىلاتىن بىلىكتىلىك تالاپتارىنىڭ وزگەرۋىنە اكەلەتىنى بەلگىلى.
سوندىقتان قمگ-عا ەنگىزىلەتىن ادامي رەسۋرستاردى باسقارۋدىڭ جاڭا مودەلى فۋنكتسيونالدىڭ وزگەرۋىنە بايلانىستى بيزنەستى كومپانيا تالاپ ەتەتىن بىلىكتى كادرلارمەن قامتاماسىز ەتۋدى ماقسات تۇتادى. ەندەشە Job Matching دەگەنىمىز, قاراپايىم تىلمەن تۇسىندىرسەك, لاۋازىمنىڭ تالاپتارىنا سايكەس كادرلاردى ىرىكتەۋ بولىپ وتىر. ال كادرلاردى ىرىكتەۋ – ترانسفورماتسيا باعدارلاماسىنىڭ نەگىزگى تالابى. ويتكەنى ترانس-
فورماتسيالاۋدىڭ ناتيجەسىندە قۇرىلىم وزگەرەدى. اكىمشىلىك كادرلار قىسقارادى, بۇل رەتتە لاۋازىمدار سانى ازايادى. ول لاۋازىمدارعا دەگەن تالاپتار وزگەرەدى.
ارينە, Job Matching – كونكۋرستىق پروتسەدۋرا. باسقارما توراعاسى ساۋات مىڭباەۆتىڭ مالىمدەۋىنشە, وسى كۇنگە دەيىن وسىنداي كونكۋرسپەن 25 لاۋازىمعا تاعايىنداۋلار بولعان. وعان 63 ۇمىتكەر قاتىسىپ, ىشىنەن تەك 25-ءى عانا ىرىكتەلىپ الىنعان. ونىڭ 17-ءسى قمگ-دا بۇرىننان جۇمىس ىستەپ جۇرگەندەر بولسا, 8-ءى سىرتتان كەلگەن بىلىكتى ماماندار. وسىنداي تاعايىنداۋلاردىڭ ەندى كەلەسى لەگىنە كونكۋرس وتكىزىلمەك, بۇگىنگى جينالىس سوعان تۇسىنىك جۇمىستارىن وتكىزۋ, دەيدى توراعا. سونداي-اق ول Job Matching جوباسىنىڭ ماڭىزدىلىعىن ءارى زامانعا ساي ەكەنىن اتاپ ءوتتى. سونىمەن بىرگە جوبا كەز كەلگەن كومپانيانىڭ باسەكەدەگى نەگىزگى ارتىقشىلىعى بولىپ تابىلاتىن قاجەتتى بىلىكتىلىگى مەن تاجىريبەسى بار, داعدىلار مەن ءبىلىمىن دامىتقىسى جانە بىلگىسى كەلەتىن كاسىپقويلار شتاتىنىڭ ىرگەتاسىن قالايتىنىن جەتكىزدى.
ادامي رەسۋرستاردى باسقارۋ جونىندەگى ۆيتسە-پرەزيدەنت سەرىك ابدەنوۆ جوبانىڭ جۇزەگە اسىرىلۋ بارىسىنا توقتالدى. س.ابدەنوۆتىڭ ايتۋىنشا, كومپانيانىڭ كادر بلوگى بوس ورىن لاۋازىمدارىنا ورنالاسۋعا ارنالعان ىرىكتەۋدىڭ ايقىن دا جۇيەلى ءراسىمى بولىپ تابىلادى. اعىمداعى جىلى Job Matching ءراسىمى قۇرىلىمدىق بولىمشەلەر باسشىلارىنىڭ كورپوراتيۆتىك فۋنكتسيالارى, تاسىمالداۋ, قايتا وڭدەۋ جانە مۇناي ماركەتينگى ديۆيزيوندارى; ىشكى اۋديت قىزمەتىنىڭ جەلىلىك قىزمەتكەرلەرى جانە ء«وندىرۋ جانە بۇرعىلاۋ تەحنولوگياسى» عزي ەنشىلەس كومپانياسىنىڭ باسشىلىعى پوزيتسياسىندا وتەتىن بولادى (113 پوزيتسيا).
جوبانىڭ العاشقى كەزەڭى – فۋنكتسيونالدىڭ جاڭارتىلعانى جانە جاڭا بىلىكتىلىك تالاپتارىن ەسكەرە وتىرىپ, لاۋازىمدىق نۇسقاۋلىقتاردى جازۋ. ەكىنشى كەزەڭدە ءاربىر لاۋازىمدى گرەيدتەۋ (باعالاۋ) وتەدى, كومپانيانىڭ جالپى ۇيىمدىق قۇرىلىمىندا ونىڭ «سالماعى» انىقتالادى, جالاقى شەگىنىڭ ماقساتتى دياپازونى ايقىندالادى. مۇنىڭ بارىنە PWC, كورن فەرري/حەي گرۋپپ سياقتى جەتەكشى حالىقارالىق كومپانيالاردىڭ, سونداي-اق قوردا وسىعان ۇقساس جوبانى ىسكە اسىرۋدا تاجىريبەسى بار «سامۇرىق-قازىنا» كورپوراتيۆتىك ۋنيۆەرسيتەتىنىڭ ساراپشىلارى تارتىلادى.
لاۋازىمدىق نۇسقاۋلىقتاردى جانە گرەيدتەردى بەكىتكەننەن كەيىن كانديداتتاردى ىرىكتەۋ باستالادى. «ەڭ الدىمەن, جاڭا بىلىكتىلىك تالاپتارىنا ساي كەلەتىن ىشكى قىزمەتكەرلەرگە كوڭىل بولىنەتىن بولادى», دەپ اتاپ ءوتتى س.ابدەنوۆ. كونكۋرستىق نەگىزدە ءبىرىنشى كەزەكتەگى تارتىپپەن كومپانيانىڭ كادر قىزمەتى ىرىكتەگەن جانە بىرنەشە جىلدار بويى دامىتقان لاۋازىمدا وتىرعاندار, بىرىڭعاي كادر رەزەرۆىندەگى كانديداتتار, سونداي-اق ەنشىلەس ۇيىمداردىڭ بولاشاعىنان ءۇمىت كۇتتىرەتىن قىزمەتكەرلەرى قاراستىرىلاتىن بولادى. «ەگەر كونكۋرس ىشكى كانديداتتار بويىنشا جەتكىلىكتى ساندى شىعارماسا, نە ولاردىڭ كانديداتۋرالارىنان كونكۋرستىق كوميسسيالار باس تارتسا, ءبىز HR نارىعىندا ىزدەستىرۋدى جۇزەگە اسىراتىن بولامىز», دەدى س.ابدەنوۆ.
كونكۋرستىق ىرىكتەۋگە قاتىسۋعا تاڭداپ الىنعان كانديداتتاردىڭ ارقايسىسى جەكە ىسكەرلىك بىلىكتىلىگىنىڭ دەڭگەيىن ايقىنداۋ ءۇشىن تەستىلەۋدەن وتەدى, قىسقاشا ۋاجدەمەلىك ەسسە جازادى جانە سوڭعى ءۇش جىلداعى جەكە جەتىستىكتەرىنىڭ تىزبەسىن ۇسىنادى. كونكۋرستىق كوميسسيالاردىڭ قۇرامىنا قمگ-ءنىڭ بەيىندى باسشىلىعىنىڭ وكىلدەرى, سونداي-اق «سامۇرىق-قازىنا» قورىنىڭ وكىلدەرى ەنەدى. جاڭا كانديدات ىزدەستىرۋ قاجەتتىگى جونىندەگى شەشىم بولعان جاعدايدا ءتيىستى اقپارات كوپشىلىك نازارىنا جەتكىزىلەدى.
اتالعان لاۋازىمدار بويىنشا كونكۋرستىق كوميسسيالاردىڭ وتىرىسىن 2017 جىلدىڭ سوڭىنا دەيىن وتكىزۋ جوسپارلانۋدا, ال 2018 جىلى وسىنداي راسىمدەر قمگ-ءنىڭ كورپوراتيۆتىك ورتالىعى مەن ەنشىلەس كومپانيالارىنىڭ قالعان پوزيتسيالارىنا دا قولدانىلاتىن بولادى.
اقپاراتتىق سەسسيانىڭ سوڭىندا پىكىر الماسىلىپ, كومپانيا باسشىلىعى جينالعانداردىڭ سۇراقتارىنا جاۋاپ بەردى.
دينارا بىتىك,
«ەگەمەن قازاقستان»
