ەلباسى كەزدەسۋ بارىسىندا قازاقستان عىلىمىن ودان ءارى دامىتۋ جانە جاس عالىمدارعا قولداۋ كورسەتۋ ءۇشىن ءتيىستى جاعداي جاساۋ قاجەتتىگىنە ەرەكشە نازار اۋداردى.
«نازارباەۆ ۋنيۆەرسيتەتى» الەمگە تانىمال بولدى. ءسىزدىڭ باسشىلىعىڭىزبەن مىڭنان استام ستۋدەنت وقۋىن ويداعىداي اياقتادى. ءبىز ۋنيۆەرسيتەتتى دامىتۋ ىسىندە كوپ نارسەگە قول جەتكىزدىك. الايدا, جاس دارىندارعا ودان ءارى قولداۋ ءبىلدىرۋ ءۇشىن شارالار قاراستىرۋ قاجەت,» دەدى قازاقستان پرەزيدەنتى.
سونداي-اق, نۇرسۇلتان نازارباەۆ «ەكسپو-2017» ينفراقۇرىلىمى بازاسىندا ءتۇرلى ستارتاپ جوبالاردى, اسىرەسە ءىت-تەحنولوگيالار مەن «جاسىل» ەكونوميكانى دامىتۋ سالاسىنداعى جوبالاردى ازىرلەۋ جانە ولاردى ىسكە اسىرۋ بارىسىندا جاس عالىمدار ءۇشىن زور مۇمكىندىك تۋاتىنىن اتاپ ءوتتى.
شيگەو كاتسۋ مەملەكەت باسشىسىنا «نازارباەۆ ۋنيۆەرسيتەتىن» جانە ەلىمىزدىڭ جالپى عىلىمي الەۋەتىن دامىتۋ پەرسپەكتيۆالارىن تالقىلاۋعا مۇمكىندىك بەرگەنى ءۇشىن العىس ايتتى.
