مەملەكەتتەر باسشىلارى اڭگىمە بارىسىندا ەكىجاقتى ىنتىماقتاستىقتىڭ جاعدايى مەن پەرسپەكتيۆالارىن, سونداي-اق وڭىرلىك جانە حالىقارالىق كۇن تارتىبىندەگى وزەكتى ماسەلەلەردى تالقىلادى.
رەسەي پرەزيدەنتى قازاقستان پرەزيدەنتىن بيىلعى 14-15 قىركۇيەكتە سيرياعا قاتىستى التىنشى حالىقارالىق كەزدەسۋدىڭ استانادا تابىستى وتۋىمەن قۇتتىقتادى.
سونداي-اق, ۆلاديمير پۋتين نۇرسۇلتان نازارباەۆتى سيرياداعى قاقتىعىستى رەتتەۋ ءۇشىن رەسەي جاعىنان اتقارىلىپ جاتقان شارالار جونىندە حاباردار ەتتى. تاراپتار استانا پروتسەسىن جالعاستىرۋدىڭ ماڭىزدى ەكەنىن ەرەكشە اتاپ ءوتتى.
بۇدان بولەك, پرەزيدەنتتەر الداعى ۋاقىتتا بولاتىن كەزدەسۋلەر كەستەسىن, سونىڭ ىشىندە جوعارى ەۋرازيالىق ەكونوميكالىق كەڭەس پەن تمد-عا مۇشە مەملەكەتتەر باسشىلارىنىڭ كەڭەسىنە دايىندىق بارىسىن قاراستىردى.
ەكى ەل كوشباسشىلارى ەكى جاقتى ءوزارا ءىس-قيمىلدىڭ بارلىق ماسەلەلەرى بويىنشا تۇراقتى ديالوگتى جالعاستىرۋعا ۋاعدالاستى.
