«ە» توبىندا سىنعا ءتۇسىپ جاتقان قوس قۇراما بىلتىر ەلورداداعى «استانا ارەنا» ستاديونىندا تۇڭعىش رەت جولىعىپ, تەڭ تارقاسقان. توپتاعى تۋرنير كەستەسىندە قازاقستان قۇراماسى ەكى ۇپايمەن سوڭعى ورىندا كەلەدى. ال قارسىلاستارىمىز رۋمىنيا قۇراماسى بولسا, توعىز ۇپايمەن ءتورتىنشى ورىندا.
قازاقستان قۇراماسى توپتاعى سوڭعى ويىنىن 4-ءشى قىركۇيەك كۇنى پولشا قۇراماسىنا قارسى ويناپ, 3:0 ەسەبىمەن ەسە جىبەرگەن بولسا, رۋمىنيا فۋتبولشىلارى دا وتكەن تۋردا ۇپاي جوعالتتى. چەرنوگوريادا وتكەن ماتچتا رۋمىنيالىقتار 0:1 ەسەبىمەن جەڭىلگەن.
حالىقارالىق فۋتبول فەدەراتسياسىنىڭ (FIFA) رەيتينگىندە فۋتبولشىلارىمىز تامىز ايىنداعى جاعدايمەن سالىستىرعاندا 21 ساتى تومەندەپ, 126 ورىنعا تۇراقتادى. ال رۋمىنيا قۇراماسى 41 ورىندا كەلەدى.
وتكەن اپتا قۇراما باس باپكەرى الەكساندر بوروديۋك اتالعان ويىنعا شاقىرىلعان فۋتبولشىلاردىڭ ءتىزىمىن جاريالادى:
قاقپاشىلار: داۆيد لوريا («ەرتىس»), ستاس پوكاتيلوۆ («قايرات»), الەكساندر موكين («استانا»), يگور شاتسكي («شاحتەر»);
قورعاۋشىلار: دميتري شومكو, يۋري لوگۆينەنكو, ابزال بەيسەبەكوۆ (بارلىعى – «استانا»), گافۋرجان سۇيىمباەۆ, ەلدوس احمەتوۆ (ەكەۋى دە – «قايرات»), تەمىرلان ەرلانوۆ («ورداباسى»), الەكساندر ماروچكين («وقجەتپەس»), ۆيكتور دميترەنكو («شاحتەر»), دميتري ميروشنيچەنكو («توبىل»);
جارتىلاي قورعاۋشىلار: باۋىرجان يسلامحان, يسلامبەك قۋات, (ەكەۋى دە – «قايرات»), سەرىكجان مۋجيكوۆ, اسحات تاعىبەرگەن (ەكەۋى دە – «استانا»), ەركەبۇلان تۇڭعىشباەۆ, ازات نۇرعاليەۆ (ەكەۋى دە – «ورداباسى»), ماقسات بايجانوۆ («قايسار»), اسلان داراباەۆ («ەرتىس»);
شابۋىلشىلار: رومان مۇرتازاەۆ («استانا»), تاڭات نوسەرباەۆ («ورداباسى»), الەكسەي ششەتكين («توبىل»), سەرگەي حيجنيچەنكو («شاحتەر»).
