2,5 كم جانە 5 كم جارىسقا بارلىعى 150-دەن استام ادام قاتىستى. بۇدان باسقا, ارباسى بار جاس انالار مەن روليكتەرى بار قاتىسۋشىلار جىلدامدىققا جارىستى. 5 كم قاشىقتىقتى ەڭسەرگەن مۇگەدەك ارباسىنداعى مارافونشى اركادي گۋبارەۆتىڭ ناتيجەسى ەرەكشە اتالىپ ءوتتى.
5 كم قاشىقتىقتاعى جەڭىمپازدار مانات امەت, مۇرات اۋباكيروۆ, فورد دجەرەمايا, ءۇميدا بۇرحانوۆا, اينۇر ماليكوۆا جانە ۆيكتوريا ەلماز بولدى.
2,5 كم قاشىقتىقتاعى جۇلدەنى كريستينا يسلاموۆا, ليۋسي مەچوۆا جانە اننا حوچەت ەنشىلەدى. مەكتەپ وقۋشىلارى اراسىندا دارحان يساباەۆ, گرەگ رايتەن, ليديا تاننەر, مەرەديت مالش جانە كارەن حازەلدار ەرەكشەلەندى.
سونىمەن قاتار, ەڭ جاس سپورتشىلار, جەتى جاسار حامزا تالگابەك پەن لايلا فورد, جەكە اتالىپ, ارنايى سىيلىقتارىمەن ماراپاتتالدى.
بارلىق جينالعان قاراجاتتار ەرەسەك جاستاعى داۋن سيندرومى بار بالالارعا ارنالعان «شىعارماشىلىق شەبەرلىك» قورىنىڭ جاڭا جوباسىنا جۇمسالادى.
ەستەرىڭىزگە سالا كەتەيىك, «كۇن الەمى» قوعامدىق قورى 2015 جىلى داۋن سيندرومى بار بالالاردىڭ اتا-انالارى مەن دەرتكە شالدىققان بالالار مەن جاسوسپىرىمدەردىڭ قۇقىقتارىن قورعاۋ, الەۋمەتتەندىرۋ جانە وڭالتۋ ماقساتىندا قۇرىلعان ۇيىم. قور قىزمەتىنىڭ ءبىرى ءار ماۋسىمدا تۇراقتى نەگىزدە «كۇن كروسى» قايىرىمدىلىق سپورت ءىس-شاراسىن وتكىزۋ.
