400 مەترلىك جولعا, حوككەي كورتىنا مۇز قاتىرۋ پروتسەسسى وزىق تەحنولوگيا مەن جوعارى ساپالى ماتەريالداردى قولدانۋ ارقىلى جۇرگىزىلىپ جاتىر. ارەناعا «الاۋ» لوگوتيپى مەن مۇز ايدىنىنىڭ تۇمارى الاۋليكا سۋرەتى ءار بەرمەك. مۇز ايدىننىڭ جالپى اۋماعى - 9 200 شارشى مەتر, مۇنداي اۋقىمدى اۋماق ءۇشىن 460 توننا سۋ قاجەت.
مۇز قۇيۋ جۇمىستارى ءبىر اپتادان سوڭ اياقتالادى. ال 2017 جىلدىڭ 30 قىركۇيەگىندە ساراي جاپپاي سىرعاناۋ اۋەسقويلارى ءۇشىن ەسىگىن ايقارا اشادى.
وتكەن جىلمەن سالىستىرعاندا وقۋشىلار مەن ستۋدەنتتەر جانە زەينەتكەرلەر ءۇشىن كىرۋ باعاسى كەز كەلگەن سەانسقا 500 تەڭگەگە دەيىن ارزانداتىلعان. بۇدان بولەك 7 جاسقا دەيىنگى بالالارعا, كوپبالالى وتباسى بالالارىنا, بالالار ءۇيىنىڭ تاربيەلەنۋشىلەرىنە, I جانە II توپتاعى مۇگەدەكتەر ءۇشىن كىرۋ تەگىن.
جاپپاي سىرعاناۋ التى كۇندىك رەجىمدە وتەدى: جۇمىس كۇندەرى ءۇش ساعاتتىق ءبىر سەانس 19:00-دەن 22:00-گە دەيىن, دەمالىس كۇنى - 5 سەانس جوسپارلانعان. دۇيسەنبى - تەحنيكالىق دەمالىس كۇنى.
ايتا كەتۋ كەرەك, جىلدان-جىلعا «الاۋ» مۇز سارايىندا جاپپاي سىرعاناۋ تانىمالدىلىعى ارتىپ كەلەدى. 2016-2017 جىل ماۋسىمى كەزىندە جاپپاي سىرعاناۋعا 160 مىڭ ادام كەلگەن. بۇل جوبا جۇزەگە اسىرىلعاننان بەرى ەڭ جوعارى كورسەتكىش بولىپ تابىلادى.
