اتاپ ايتقاندا, ول يادرولىق قارۋدان باس تارتقان ەلىمىز دانالىقتىڭ ايرىقشا ۇلگىسى بولىپ تابىلاتىنىن اتاپ ءوتتى.
«قازاقستان بۇرىنعى كەڭەستىك قارۋلاردى جانە يادرولىق تەحنولوگيالاردى ءوز اۋماعىنان الىپ تاستادى جانە يادرولىق ەمەس مەملەكەت رەتىندە يادرولىق قارۋدى تاراتپاۋ تۋرالى شارتقا قوسىلدى. الەمگە قاۋىپ توندىرەتىن الاپات قارۋدىڭ تارالىپ كەتپەۋىنە باستاماشى بولعان ەلباسىنىڭ مۇنداي قادامىن داناگوي شەشىم دەپ ايتۋعا تولىق نەگىز بار», دەدى ول ءوز مالىمدەمەسىندە.
الەمدىك دەڭگەيدەگى ساياساتتانۋشىلار سەكىلدى امەريكالىق ساياساتتانۋشىلار قاۋىمى دا پرەزيدەنت ن.نازارباەۆتىڭ يادرولىق قارۋسىزدانۋ ماسەلەسىنە قاتىستى ءرولىن اركەز جوعارى باعالاپ كەلگەن. ماسەلەن, 2004 جىلى اقش كونگرەسىنىڭ مۇشەسى, ەنەرگەتيكا جونىندەگى پالاتا وكىلدىگىنىڭ توراعاسى دجو بارتون كسرو قۇلاعاننان كەيىن بيولوگيالىق قارۋ مەن يادرولىق باعدارلامالار ورتالىعىنا اينالۋدىڭ قاۋىپتى الەۋەتى بولا تۇرا, قازاقستان مۇنداي مۇمكىندىكتەن ءوز ەركىمەن سانالى تۇردە باس تارتتى. ال ن.نازارباەۆ بولسا, قولداعى قارۋى ءۇشىن ميلليونداعان دوللار ۇسىنعان قايسىبىر مەملەكەتتەردىڭ قولقاسىنان باس تارتىپ, اجداھا-قارۋدىڭ كوزىن قۇرتۋ ارقىلى قازاقستانداعى تۇراقتىلىقتى ساقتاۋ جولىن تاڭدادى», دەدى.
اقش مەملەكەتتىك حاتشىسى رەكس تيللەرسون پرەزيدەنت نۇرسۇلتان نازارباەۆپەن كەزدەسۋلەرىندە ونىڭ مۇنداي شەشىم قابىلداۋىنىڭ سەبەبىن سۇراۋدىڭ زور مۇمكىندىكتەرى ۇنەمى بولعانىن ەسكە الادى. ال وعان ەلباسىمىز وسى شەشىمى ءۇشىن ەشقاشان وكىنبەيتىندىگىن ايتىپ, ءتىپتى «جاس تاۋەلسىز مەملەكەتىمىز ءۇشىن اتقارعان ەڭبەگىمنىڭ ەڭ ماڭىزدىسى», دەپ ەسكەرتۋىنىڭ ءوزى اسەرلى جايت.
زارەما شاۋكەنوۆا,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ (KAZISS) ديرەكتورى
